އަޅުގަނޑުގެ މައްސަލަ ބަލާކަން އަންގާފައެއް ނުވޭ: އިސްގާޒީ ހައިލަމް
ކްރިމިނަލް ކޯޓުގެ އިސްގާޒީ އަހުމަދު ހައިލަމްގެ މައްސަލައެއް ބަލަމުންދާކަން ޖޭއެސްސީން އަންގާފައިނުވާކަމަށް އެބޭފުޅާ ވިދާޅުވެއްޖެއެވެ.
ހައިލަމް މިހެން ވިދާޅުވީ ރައީސް ޔާމީންގެ މައްޗަށް އުފުލިފައިވާ މަނީ ލޯންޑްރިންގ ދައުވާގެ ޝަރީއަތުގައި ރައީސް ޔާމީންގެ ފަރާތުން ހުށައެޅި އިޖުރާއީ މައްސަލަތަކާއި ގުޅިގެން ވާހަކަދައްކަވަމުންނެވެ.
އެބޭފުޅާ ވިދާޅުވީ ޖުޑިޝަލް ސަރވިސް ކޮމިޝަނަކުން މައްސަލައެއް ބަލަމުންދާ ކަމެއް އަންގާފައި ނުވާ ކަަމަށާއި މައްސަލައެއް ބެލުމަކީ އޭގެ ޒާތުން މި މައްސަލައަށް ނުފޫޒެއް ފޯރާނެ ކަމެއް ކަމަށް ގަބޫލުކުރަން ޖެހޭ ސަބަބެއްވެސް ނެތްކަމަށެވެ.
"އަޅުގަނޑަކަށް ގަބޫލެއް ނުކުރެވޭ. އެގޮތަށް ގަބޫލު ކުރެވިގެން މިއަދު މި މައްސަލައިން ތަނާޒުލު ވާނަމަ މާދަމާ މި މައްސަލަ ހަވާލު ކުރެވޭ އެހެން ގާޒީއަކަށްވެސް ތިޔަ ވިދާޅުވާ ނުފޫޒު އޮންނާނެ ނޫންތޯ؟"، އިސްގާޒީ ހައިލަމް ވިދާޅުވިއެވެ.
އެބޭފުޅާ އިތުރަށް ވިދާޅުވީ އެފަދަ ނުފޫޒެއް އޮތް ކަމަށް އަމިއްލަ ނަފްސަށް ގަބޫލުނުކުރެވޭ ކަމަށެވެ.
ފާހަގަކޮށްލެވޭ ގޮތުގައި މިދިޔަ މަހުގެ 31 ވަނަ ދުވަހުގައި ޖޭއެސްސީން ވަނީ ގާޒީ ހައިލަމްގެ މައްސަލައެއް އެކޮމިޝަނުން ބަލަމުންދާކަން ވަނީ ބުނެފައެވެ.
ފޮޓޯ: މިހާރު
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
