ރާއްޖޭގައި ތިބި އިންޑިއާ ސިފައިން މޭމަހުގެ 10 ވަނަދުވަހުގެ ނިޔަލަށް ގެންދަނީ

ރައީސުލްޖުމުހޫރިއްޔާ ޑރ. މުހައްމަދު މުއިއްޒުގެ ރިޔާސީ އެންމެ ބޮޑުވަޢުދުގެ ގޮތުގައި ހިމެނޭ ރާއްޖޭގައި ތިބި އިންޑިއާ ސިފައިން ރާއްޖެއިން ބޭލުމަށް ކުރެވެމުން އަންނަ މަޝްވަރާގެ ދަށުން ރާއްޖޭގައި ތިބި އިނޑިއާ ސިފައިން މޭމަހުގެ 10 ގެ ނިޔަލަށް ރާއްޖެއިން ގެންދިއުމަށް އިންޑިއާ ސަރުކާރުން އެއްބަސްވެއްޖެ ކަމަށް ރާއްޖޭގެ ދާހިލީ ވުޒާރާއިން ހާމަކުރައްވައިފިއެވެ.

މިކަން ހަމަކުރައްވާފައިވަނީ އިއްޔެ އިންޑިއާގެ މިނިސްޓްރީ އޮފް އެކްސްޓަރނަލް އެފެއާޒްގައި ބޭއްވި ދެ ޤައުމުގެ މަތީ ފަންތީގެ ބައްދަލުވުމުގައި މަޝްވަރާ ކުރެއްވި ކަންކަމާއި ގުޅޭގޮތުން ރާއްޖޭގެ ހާރިޖީ ވުޒާރާއިން ނެރުނު ބަޔާނެއްގައެވެ.

ހާރިޖީ ވުޒާރާގެ ބަޔާނުގައި ވިދާޅުވެފައި ވަނީ  ދެ ފަރާތުން ވެސް އެއްބަސްވީ 10 މާޗް 2024 ގެ ކުރިން ތިން އޭވިއޭޝަން ޕްލެޓްފޯމްގެ ތެރެއިން އެއް ޕްލެޓްފޯމްގައި ތިބި ސިފައިން ބޭލުމަށް ކަމަށާއި އަނެއް ދެ ޕްލެޓްފޯމްގައި ތިބި ސިފައިންގެ 10 މެއި 2024 ގެ ކުރިން ބޭލުމަށް ކަމަށެވެ.

އިންޑިއާގައި މި ބޭއްވުނު ބައްދަލުވުމަކީ ރައީސް ޑރ. މުހައްމަދު މުއިއްޒާއި އިންޑިއާގެ ބޮޑުވަޒީރު ނަރެންދުރަ މޯދީ މިދިޔަ މަހުގެ ކުރީކޮޅު ދުބާއީގައި ބައްދަލު ކުރައްވައި ރާއްޖެއާއި އިންޑިއާގެ ގުޅުން ބަދަހި ކުރުމަށް ދެ ގައުމުގެ މެދުގައި ކޯ-ގްރޫޕެއް އުފެއްދުމަށް ވެ ޑައިގެންނެވި އެއްބަސްވުމުގެ ތެރެއިން އުފެއްދެވި މަތީ ލެވަލް ފެންވަރުގެ ބޭފުޅުން ބައިވެރިވެ ވަޑައިގެން ބޭއްވެވި ބައްދަލުވުމެކެވެ.

އޭގެ ކުރިން ރާއްޖޭގައިވެސް ވަނީ މަތީފަންތީގެ ބޭފުޅުން ބައިވެރިވެ ވަޑައިގެންނެވި ބައްދަލުވުމެއް ބާއްވަވާފައެވެ. އެ ބައްދަލުވުމުގައި ރައީސް ޑރ. މުހައްމަދު މުއިއްޒު އެދި ވަޑައިގެންފައިވަނީ އަންނަ މާރޗުމަހުގެ 15 ގެ ކުރިން ރާއްޖޭގައި ތިބި އިންޑިއާ ސިފައިން ގެންދިއުމަށެވެ.

އިއްޔެ ބޭއްވުނު ބައްދަލުވުމާއި ގުޅޭގޮތުން  އިންޑިއާގެ އެކްސްޓާނަލް އެފެއާޒް އިން ވިދާޅުވީ، ދެ ގައުމުގެ ދެމެދުގައި ގުޅުން ބަދަހިކުރުމާ ބެހޭގޮތުން މަޝްވަރާކުރެއްވި ކަމަށެވެ.