އޭއައި މާސްޓަރ ޕެލޭނެއް ހެދި، ގައުމުގެ ތަރައްގީގައި އޭއައި މުހިންމު ދައުރެއް އަދާކުރާނެ: ރައީސް މުޢިއްޒު

ދިވެހިރާއްޖޭގައި އާޓިފިޝަލް އިންޓެލިޖެންސް، އޭއައި އާއި ގުޅޭ މާސްޓަރ ޕްލޭނެއް ހަދައި، ރާއްޖޭގެ ތަރައްގީގައި އޭއައި މުހިންމު ދައުރެއް އަދާކުރާނެ ކަމަށް. ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.

ރައީސް މުޢިއްޒު އެސްޓޯނިއާ އަށް ކުރެއްވި ދަތުރުފުޅު ނިންމަވާލައްވަމުން ދައުލަތުގެ މީޑިއާއަށް ދެއްވު ބަސްދީ ގަތުމެއްގައި ވިދާޅުވީ، ދުނިޔެއަށް އަންނަ ތަރައްގީ ބަލައިގަންނަން ޖެހޭ ކަމަށެވެ. އެގޮތުން، އޭއައި އަކީ ތަރައްގީގައި މުހިންމު ދައުރެއް އަދާކުރާ އެއްޗެއް ކަމަށެވެ.

އެހެންވީމާ އޭއައި މަސްޓަރ ޕްލޭނެއް ހެދި، ގައުމު ތަރައްގީ ކުރުމުގައި އޭއައި މުހިންމު ދައުރެއް އަދާކުރާނެ. އެކަމަށްޓަކައި ކުރަންޖެހޭ ހުރިހާ ކަމެއްވެސް ކުރިއަށް ގެންދެވޭނެ

ރައީސް ޑރ.މުޢިއްޒު

ރައީސް ވިދާޅުވީ، އެސްޓޯނިއާއަށް ކުރެއްވުނު ދަތުރުފުޅުގައިވެސް، އެގައުމުގައި އޭއައި އާއި ގުޅިގެން ކަންކަން ރޭވި ކުރިއަށް ގެންދާ ގޮތް އެނގިގެން ދިޔަ ކަމަށާ، އެގައުމުގައި ކަންކަން ރޭވިފައި އޮތީ ވަރަށް ރަނގަޅަށް ކަމަށެވެ.

އެހެންވީމާ މި ދަތުރު ވަރަށް ކާމިޔާބު. ސަބަބަކީ މިދާއިރާއިން އެންމެ ކުރިއަރާފައިވާ ގައުމަށް އާދެވުނީމަ، އެމީހުން މިކަންކުރާގޮތް އެނގިގެން ދިޔައިމަ، އަދި ކުރިއަށް އޮތް ތަނުގައި އަޅުގަނޑުމެންނަށް އެހީތެރިކަން ދޭނެ ކަމުގައި ވިދާޅުވީމަ، އެއީ، އަޅުގަނޑު މެންނަށް، އަޅުގަނޑުމެންގެ ގައުމު، އަޅުގަނޑުމެން ބޭނުންވާ މިސްރާބަށް ގެންގޮސް އެ މަގުސަދު ހާސިލް ކުރުމަށް ލިބޭ ވަރަށް ބޮޑު ކުރިއެރުމެއް

ރައީސް ޑރ. މުޢިއްޒު

އެހެންކަމުން، ކުރިއަށް އޮތް ދެތިން އަހަރު ތެރޭގައި ސަރުކާރުގެ ހުރިހާ ޚިދުމަތެއް ޑިޖިޓަލައިޒް ކުރެވިގެންދާނެ ކަމަށާ، އަދި އެކަމުގައި ރައްޔިތުންގެ އެއްބާރުލުން ވަރަށް ބޮޑަށް ބޭނުންވާނެ ކަމަށް އެމަނިކުފާނު ވިދާޅުވިއެވެ.