ނިދާފައި އޮތް ޑްރައިވަަރަކު ދުއްވި ބަހަކުން ޖެހި ފަތުރުވެރިއަކު ނިޔާވެއްޖެ

ނިދާފައި އޮތް މީހަކު ދުއްްވި އެމްޓީީސީސީގެ ބަހަކުން ޖެހުނު ފަތުރުވެރިއަކު ނިޔާވެއްޖެއެވެ.

ފިތުރޯނު މަގުން އެފްއެސްއެމްގެ ޕެޓްރޯލް ޝެޑު ކައިރިން ދުއްވާފައި ދިޔަ އެމްޓީސީސީގެ ބަހެއްގެ ދަށުވެ މަރުވީ އުމުރުން 31 އަހަރުގެ، ޔޫކްރެއިނަށް ނިސްބަތްވާ ފަތުރުވެރިއެއްކަމަށް ފުލުހުން މައުލޫމާތު ދެއެވެ.

މި ހާދިސާ ހިނގިއިރު، އެ އަންހެން މީހާއާއި އެހެން ދިވެހި އަންހެނަކު އުޅުނީ މަގުމަތީގައި ހިނގާލަން ނުކުމެއެވެ.

އެވަގުތު ދުއްވާފައި އައި އެމްޓީީސީސީގެ ބަސް ކޮންޓްރޯލް ނުވެ، އެ ދެ މީހުންނާ ދިމާއަށް ދާން ފެށުމުން ދުއްވައިގަތް ވަގުތު މަގުގެ އެއް ފަޅީގައި ހަދާފައިވާ ހުރި ގާފޮޅެއްގައި ޔޫކްރެއިން މީހާގެ ފައި ތާށިވެ، އޭނާ ބަހުގެ ދަށުވީ ކަމަށް އޮންލައިން ނޫސް މިހާރުން ވަނީ ރިޕޯޓްކޮށްފައެވެ.

އެ މަގުގެ އެއް ފަޅީގައި އޮތް ވަލަށް ބަސް ވަދެގެން ދިޔައީ އެ މީހާގެ ގައިގެ މަތިން ދުއްވާފައިކަން ފާހަގަކޮށްލެވެއެވެ.

މި މައްސަލައިގައި، ބަސް ދުއްވަން އިން ދިވެހި ޑްރައިވަރު ވަނީ ހައްޔަރުކޮށްފަ އެވެ. އޭނާގެ އަތުގައި ލައިސަންސެއް އޮވެ އެވެ.