ސަލަފް ޖަމްއިއްޔާ އުވާލުމާއި ދެކޮޅަށް ރައީސް ނަޝީދު ވާހަކަފުޅު ދައްކަވައިފި
ޖަމްއިއްޔަތުލް ސަލަފް އުވާލުމާއި ދެކޮޅަށް ރައްޔިތުންގެ މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދު ވާހަކަފުޅު ދައްކަވައިފިއެވެ.
މިއަދުގެ ރައްޔިތުންގެ މަޖިލީހުގެ ޖަލްސާގައި ވާހަކަފުޅު ދައްކަވަމުން އެމަނިކުފާނު ވިދާޅުވީ ސަލަފް ޖަމާއަތް އުވާލާކަށް އެދިވަޑައިނުގަންނަވާ ކަމަށެވެ. ނަމަވެސް އެއްވެސް ޖަމާއަތަކުން މީހުން އުވާލުމަށް ހިތްވަރުދޭ ބާވަތުގެ ނުވަތަ ހަނގުރާމައަށް މީހުން ފޮނުވުމަށް ހިތްވަރުދޭ އެއްވެސް ބާވަތުގެ ވާހަކައެއް ދައްކައިގެން ނުވާނެކަމަށް ރައީސް ނަޝީދު ވިދާޅުވިއެވެ.
އެމަނިކުފާނު ވިދާޅުވީ ސަލަފް ޖަމްއިއްޔާގައި މޮސްކޯ ޖަލީލެއް ވެސް އުޅުނުކަމަށާއި، އޭނާ ޕާކިސްތާނަށް ގޮސް އަމިއްލަ ހަށީގައި ބޮން ހަރުކޮށްގެން އަމިއްލަ އަށް މަރުވެ ދިޔަކަމަށެވެ.
އަދި މިކަމަކީ ސަލަފް ޖަމްއިއްޔާއާއި ގުޅުންހުރި ކަމެއްކަމަށް ދެކިގެން ނުވާނެކަމަށް ރައީސް ނަޝީދު ވިދާޅުވިއެވެ.
"މިއީ ރާއްޖޭގެ ޖަމިއްޔާއެއްގެ ތެރޭގައި އުފެދޭ ރޫހެއްގެ ތެރެއަކުން ގޮސް ނުކުމެވޭނެ ނަތީޖާއެއްގެ ގޮތުގައި އަޅުގަނޑުމެންނަށް ދެކެވިގެން ނުވާނެ،" މަޖިލީހުގެ ރައީސް ވިދާޅުވިއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
