ޒަކާތު ހައުސްގެ ނަމުގައި 10 ބުރީގެ އިމާރާތެއް އަޅަނީ
ޒަކާތު ހައުސްގެ އިދާރާގެ ގޮތުގައި 10 ބުރީގެ އިމާރާތެއް އެޅުމަށް ހަމަޖެހިފައިވާކަމަށް އިސްލާމީ ކަންތައްތަކާއި ބެހޭ ވަޒީރު، ޑރ.މުޙައްމަދު ޝަހީމް އަލީ ސައީދު ވިދާޅުވެއްޖެއެވެ.
ޒަކާތު ހައުސްގެ އިމާރާތާ ގުޅޭގޮތުން މީޑިއާތަކަށް މަޢުލޫމާތު ދެއްވަމުން ވަޒީރު ޝަހީމް ވިދާޅުވީ، "ބައިތުއްޒަކާތު"ގެ ނަމުގައި އިމާރާތްކުރާ 10 ބުރީގެ މި އިމާރާތުގެ އަމަލީ މަސައްކަތް މިއަހަރު ފެށޭނެކަމަށާއި، އެ އިމާރާތުގައި ޒަކާތު ހައުސްގެ އޮފީސް ބަޔާއި ކުއްޔަށްދޭ ބައިތައް ހިމެނޭނެކަމަށެވެ.
އޭގެ ތެރެއިން ކުއްޔަށްދޭ ބައިން ލިބޭ އާމްދަނީ ހޭދަކުރާނީ ޒަކާތް ޙައްޤުވާ މީހުންނަށްކަމަށާއި، މި އިމާރާތް ބިނާކުރުމަށް ބޭނުންވާ ބިން ހަމަޖެހިފައިވާކަމަށް ވަޒީރު ޝަހީމް ވިދާޅުވިއެވެ.
މޯލްޑިވްސް ޒަކާތު ހައުސްގެ ނަމުގައި ވަކި އިދާރާއެއް ސަރުކާރުން އުފައްދާފައިވަނީ ރާއްޖޭގައި ޒަކާތް ނެގުމާއި ޒަކާތް ބެހުމުގެ ނިޒާމު ހަރުދަނާކުރުމުގެ މަގްސަދުގައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
