ދަޢުލަތަށް ދިގުމުއްތަކަށް ޚިދުމަތްކުރެއްވި، ފާރޫޤު ނިޔާވެއްޖެ؛ ޢާއިލާއަށް ރައީސްގެ ތަޢުޒިޔާ

ދިވެހި ދަޢުލަތަށް 41 އަހަރަށްވުރެ ދިގު މުއްދަތަކަށް ޚިދުމަތްކުރެއްވި، ފުވައްމުލައް ސިޓީ މާދަނޑު، ސަމާ، ފާރޫޤް އަޙްމަދު ނިޔާވުމާ ގުޅިގެން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އެ ޢާއިލާއަށް ތަޢުޒިޔާ ފޮނުއްވައިފިއެވެ.

ރައީސުލްޖުމްހޫރިއްޔާ މިއަދު އެކްސްގައި ކުރެއްވި ޕޯސްޓެއްގައި ވިދާޅުވީ، ފާރޫޤް އަޙްމަދު ނިޔާވުމުގެ ހިތާމައިގައި، އެ މަރްޙޫމްގެ ޢާއިލާއަށާއި ފުވައްމުލަކުގެ ރައްޔިތުންނަށް އިޚްލާޞްތެރި ތަޢުޒިޔާ ދަންނަވާ ކަމަށެވެ.

ފާރޫޤް އަޙްމަދަކީ ދިވެހި ދަޢުލަތަށް ވަރަށް އަގުހުރި ޚިދުމަތްތަކެއް ކުރެއްވި ބޭފުޅެކެވެ.

ވަކީން ޚާއްޞަކޮށް، ފުވައްމުލަކު އަތޮޅުވެރިކަމާއި، އިދާރީގޮތުން ހިންގުމުގެ އެކި މަޤާމުތަކުގައި އޭނާ ވަނީ ފާހަގަކޮށްލެވޭ ފަދަ ބޮޑެތި ޚިދުމަތްތަކެއް ކުރައްވާފައެވެ.

މީގެ އިތުރުން، ރައީސް މުޢިއްޒު ފާހަގަކުރެއްވި ގޮތުގައި ފާރޫޤް އަޙްމަދަކީ ދިވެހި އަދަބިއްޔާތަށާއި، ދިވެހި ތާރީޚަށްވެސް ގިނަގުނަ ޚިދުމަތްތަކެއް ކުރެއްވި ތަޖުރިބާކާރު، އަގުހުރި ޝަޚްޞިއްޔަތެކެވެ.

ރައީސުލްޖުމްހޫރިއްޔާގެ މެސެޖު ނިންމަވާލައްވާފައިވަނީ، މަރްޙޫމް ފާރޫޤް އަޙްމަދަށް ސުވަރުގޭގެ ދާއިމީ ނިޢުމަތް ދެއްވައި، މާތްاللهގެ ތަނަވަސް ރަޙްމަތުގައި ލަހައްޓަވައި، ޢާއިލާއަށް ކެތްތެރިކަން ދެއްވުން އެދި ދުޢާ ކުރައްވަމުންނެވެ.