އައިކެއާގެ ރަމަޟާން އުމްރާ ދަތުރުގެ ނަސީބުވެރިޔާ ހޮވުން މިރޭ

އައިކެއާ އޮޕްޓިކަލްސް އިން ކުރިއަށްގެންދިޔަ "ވިން އަ ރަމަޟާން އުމްރާ ޓްރިޕް ވިތް އައިކެއާ" ޕްރޮމޯޝަންގެ ނަސީބުވެރިޔާ ހޮވުމުގެ ގުރުއަތުލުން މިރޭ 7:45 ގައި ޓީވީއެމް މެދުވެރިކޮށް ވަގުތުން ދެއްކުމަށް ނިންމައިފިއެވެ.

2025 ނޮވެމްބަރު 28 އިން ފެށިގެން 2026 ޖެނުއަރީ 31 ގެ ނިޔަލަށް ކުރިއަށްގެންދިޔަ މި ޕްރޮމޯޝަނަކީ، އައިކެއާގެ ހުރިހާ އައުޓްލެޓްތަކެއްގައި ކުރިއަށްދިޔަ ހަރަކާތެކެވެ. މި މުއްދަތުގެ ތެރޭގައި އައިކެއާ އިން ވިޔަފާރިކުރި ކަސްޓަމަރުންނަށް ހޮވާލެވޭ ބްރޭންޑްތަކުން 30 އިންސައްތައާ ހަމައަށް ޑިސްކައުންޓް ދީފައިވެއެވެ.

އައިކެއާ އިން ބުނި ގޮތުގައި، މިއީ އެ ކުންފުނީގެ ކަސްޓަމަރުންގެ އަގުވަޒަންކުރުމުގެ ގޮތުންނާއި، ބަރަކާތްތެރި ރަމަޟާން މަހު އަގުހުރި ހަދިޔާއެއް ދިނުމުގެ މަގުސަދުގައި ކުރިއަށްގެންދިޔަ ޕްރޮމޯޝަނެކެވެ.

މި ޕްރޮމޯޝަނަށް ކަސްޓަމަރުންގެ ފަރާތުން ބޮޑު ތަރުހީބެއް ލިބިފައިވާއިރު، ގްރޭންޑް ޕްރައިޒް ނުވަތަ އުމްރާ ދަތުރުގެ ނަސީބުވެރިޔާ ހޮވާނީ މިރޭގެ ވަގުތުން ދައްކާ ޕްރޮގްރާމްގައެވެ.