އަދީބަށް ލިބެންޖެހޭ ފަރުވާގެ ހުރަހަކަށް ނުވާނަން: އިމްރާން
ކުރީގެ ނައިބު ރައީސް އަހްމަދު އަދީބަށް ލިބެންޖެހޭ ފަރުވާގެ ހުރަހަކަށް ވެވަޑައިނުގަންނަވާނެ ކަމަށް ހޯމް މިނިސްޓަރ އައްޝެއިޚް އިމްރާން އަބްދުﷲ ވިދާޅުވެއްޖެއެވެ
އިމްރާން އަބްދުﷲ އެފަދައިން ވިދާޅުވެފައިވަނީ އަދީބުގެ އަންހެނުން މަރިޔަމް ނަޝްވާ ކުރި ޓްވީޓަކާއި ގުޅިގެންނެވެ.
ކެންސަރުދުވަހާއި ގުޅިގެން ނަޝްވާ ކުރި ޓުވީޓްގައި ބުނެފައިވަނީ ޑޮކްޓަރުގެ ލަފަޔާއި އެއްގޮތަށް އަދީބަށް ޓެސްޓްތައް ހެދޭނެ ގޮތް ތަނަވަސްކޮށް ދިނުމަށް ހޯމް މިނިސްޓަރ އިމްރާނަށް ގޮވާލާކަމަށެވެ. އަދި އަދީބުގެ ބޭބެވެސް މަރުވީ ކެންސަރާއި ހަނގުރާމަ ކުރަމުންދަނިކޮށް ކަމަށާއި، އަދީބުގެ ބޭބެއެކޭ އެއްގޮތަށް އަދީބުގެ ވެސް ސިސްޓް އެފެދިފައިވަނީ އެއްތަނެއްގައި ކަމަށެވެ.
އެ ޓްވީޓަށް ރައްދުދެއްވާ މިނިސްޓަރ އިމްރާން ވިދާޅުވެފައިވަނީ އަދީބް ނުވަތަ އެހެން ގައިދީއަށް ވިޔަސް ލިބެންޖެހޭ ފަރުވާއެއްގެ ހުރަހަކަށް ނުވޭނެކަމަށާއި، ފަރުވާދިނުމަށް ހުރިހާ އެހީތެރިކަމެއް ދެއްވާނެ ކަމަށް މިނިސްޓަރ އިމްރާން ވަނީ ވިދާޅުވެފައެވެ.
ނުވަތަ އެހެން ގައިދީއަކަށް ވިޔަސް ލިބިދޭން ޖެހޭ ފަރުވާއެއްގެ ހުރަހަކަށް ވެވަޑައިނުގަންނަވާނެ ކަމަށް ހޯމް މިނިސްޓަރު އައްޝެއިޚް އިމްރާން އަބްދުﷲ ވިދާޅުވެއްޖެއެވެ.
ދޭތެރެ ދޭތެރެއިން އަދީބުގެ ހާލަތު ގޯސްވެގެން ހޮސްޕިޓަލަށް ގެންގޮސް ފަރުވާދޭއިރު، ދާދިފަހުން ހައިކޯޓުން ވަނީ އަދީބް ގެއަށް ބަދަލުކުރުމަށް ހުކުމްކޮށްފައެވެ. އަދި އޭނާ ގެއަށް ބަދަލުކުރުމާއި އެކު ސްޕްރީމް ކޯޓުން ވަނީ އެ އަމުރު ބާތިލްކޮށް ޖަލަށް ބަދަލުކޮށްފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
