ކައުންސިލު އިންތިހާބުގައި އިދިކޮޅުން ބޭނުންކުރާ ޝިއާރަކަށް''މިއީ މަގޭ ރާއްޖެ''
ކުރިޔަށް އޮތް ލޯކަލް ކައުންސިލު އިންތިހާބުގައި އިދިކޮޅު ކޯލިޝަނުން ވާދަކުރައްވާ ފަރާތްތަކުން ޝިއާރުގެ ގޮތުގައި ''މިއީ މަގޭ ރާއްޖެ'' ކަނޑައަޅައިފިއެވެ.
ޕީޕީއެމްގެ އިސް ތަރުޖަމާނު ހީނާ ވަލިީދު ''ވޮއިސް'' އަށް މައުލޫމާތު ދެއްވަމުން ވިދާޅުވީމިއަދު ބޭއްވި އިދިކޮޅު ކޯލިޝަނުގެ ކައުންސިލު ބައްދަލުވުމުގައި ޝިއާރު ކަނޑައަޅައިފައިވަނީ ކައުންސިލުގައި ބައިވެރިވެވަޑައިގެންނެވި މެންބަރުންގެ އިއްތިފާގުން ކަމަށެވެ.
''މިއީ މަގޭ ރާއްޖެ'' މިޝިއާރަކީ ރައީސް ޔާމީން ދެއްވި ޝިއާރު ކަމަށް ހީނާ ވިދާޅުވިއެވެ.
ޕީއެންސީގެ ރައީސް އަބްދުއްރަހީމް ރިޔާސަތު ބެލެހެއްޓެވި މިބައްދަލުވުމުގައި ކައުންސިލު އިންތިހާބުގެ ކަންކަން ކުރިޔަށް ގެންދާނެ ގޮތާ މެދު މަޝްވަރާކުރައްވާފައި ވެއެވެ.
އަބްދުއްރަހީމް އީއްޔެގެ ވަގުތެއްގައި ވަނީ، މިވަގުތު ޖަލުގައި ހުންނެވި ރައީސް ޔާމީނާއި ބައްދަލު ކުރައްވައި ކުރިއަށް އޮތް ލޯކަލް ކައުންސިލް އިންތިހާބުގެ ކެމްޕެއިން ކުރިޔަށް ގެންދަވާނެ ގޮތާއި މެދު މަޝްވަރާ ކުރައްވާފައެވެ.
އިދިކޮޅު ކޯލިޝަނުން މިހާރު ވަނީ ކޯލިޝަނުގެ ޓިކެޓްގައި ކައުންސިލަށް ވާދަކުރަން ބޭނުންވާ ފަރާތްތަަކަށް ފޯމު ހުށަހެޅުމަށް ފުރުސަތު ހުޅުވައިލައިފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
