ކުޅުދުއްފުށީ އުތުރާއި ބިލެތްދޫ ކައުންސިލް ރައީސްގެ ގޮނޑި ކޮންގްރެސްއަށް

ކުޅުދުއްފުށީ އުތުރު ދާއިރާއަށް ކައުންސިލަރަކު އިންތިޚާބު ކުރުމަށާއި ބިލެތްދޫ ކައުންސިލްގެ ރައީސް އިންތިޚާބު ކުރުމަށް މިއަދު ބޭއްވުނު ބައި-އިލެކްޝަންގައި ކޮންގްރެސް ޕާޓީގެ ކެންޑިޑޭޓުން ވަނީ އެމްޑީޕީގެ ކެންޑިޑޭޓުންގެ މައްޗަށް ކާމިޔާބު ހޯދައިފައެވެ.

ކުޅުދުއްފުށީ އުތުރު ދާއިރާގެ ގޮނޑިއަށް ކޮންގްރެސްގެ ކެންޑިޑޭޓް އިބްރާހިމް އަޙްމަދު ވަނީ އިންތިޚާބުވެފައެވެ. މި ގޮނޑި ހުސްވެފައިވަނީ ކުރިން އެ ގޮނޑީގައި ހުންނެވި މުޙައްމަދު ދާއޫދު ރައްޔިތުންގެ މަޖިލީހުގެ އިންތިޚާބުގައި ވާދަކުރައްވައި ކާމިޔާބު ކުރެއްވުމާ ގުޅިގެންނެވެ.

ހަމައެހެންމެ، ފ. ބިލެތްދޫ ކައުންސިލްގެ ރައީސްކަމަށް ކޮންގްރެސްގެ ކެންޑިޑޭޓް އަރީހް އިސްމާޢީލް ވަނީ އިންތިޚާބުވެފައެވެ. މި މަޤާމު ހުސްވެފައިވަނީ ކުރިން އެ މަޤާމުގައި ހުންނެވި އަޙްމަދު އަސްލަމް މަޖިލީހުގެ އިންތިޚާބުގައި ވާދަކުރައްވައި ކާމިޔާބު ކުރެއްވުމާ ގުޅިގެންނެވެ.

މިއީ ބިލެތްދޫއަށް ނިސްބަތްވެވަޑައިގަންނަވާ ބޭފުޅަކު އެ ދާއިރާގެ މަޖިލިސް ގޮނޑި ކާމިޔާބުކުރެއްވި ފުރަތަމަ ފަހަރެވެ.

މިއަދުގެ ބައި-އިލެކްޝަންގައި މާލެ ސިޓީ ކައުންސިލުން ހުސްވެފައިވާ ގޮނޑިތަކަށްވެސް ކައުންސިލަރުން އިންތިޚާބުކުރުން އޮތެވެ. ހެނދުނު 8:00 އިން ހަވީރު 4:00 އަށް ކުރިއަށްދިޔަ މި އިންތިޚާބުގައި ހެންވޭރު ހުޅަނގު ދާއިރާ، މައްޗަންގޮޅި މެދު ދާއިރާ އަދި ހުޅުމާލެ ދާއިރާއަށް ކައުންސިލަރުން އިންތިޚާބުކުރުމަށް ވޯޓުލުން ބޭއްވުނެވެ.

މި ވާދަވެރި ބައި-އިލެކްޝަންގައި މައިގަނޑު ގޮތެއްގައި ވާދަކުރީ އެމްޑީޕީ އާއި ކޮންގްރެސްގެ ކެންޑިޑޭޓުންނެވެ.