މޯލްޑިވިއަނުން ބަންގްލަދޭޝްއަށް ކުރާ ދަތުރުތައް އަލުން ފަށައިފި

މޯލްޑިވިއަނުން ބަންގްލަދޭޝްއަށް ކުރާ ދަތުރުތައް އަލުން ފަށައިފިއެވެ.

މޯލްޑިވިއަނުން ބަންގްލަދޭޝަށް ކުރަމުންއައި ދަތުރުތައް އެޤައުމުގައި ހިނގަމުންދިޔަ ހަމަނުޖެހުންތަކާއި ގުޅިގެން ހާލަތު ގޯސްވުމުން މިމަހުގެ 6 ވަނަ ދުވަހު މެދުކަނޑާލުމަށްފަހު، މޯލްޑިވިއަނުން ބުނީ ބަންގްލަދޭޝްއަށް ކުރަމުންއައި ދަތުރުތައް ފަށައިގެން ކުރިއަށްދާކަމަށެވެ.

ބަންގްލަދޭޝްއަށް އަލުން ދަތުރުތައް ފެށި ނަމަވެސް މޯލްޑިވިއަނުން ވަނީ ފްލައިޓްގެ ޢަދަދު މަދުކޮށްފައެވެ.

އެގޮތުން، ކުރިން ހަފްތާއަކު 2 ދަތުރު މޯލްޑިވިއަނުން ބަންގްލަދޭޝަށް ކުރަމުންދިޔަނަމަވެސް މިހާރު ކުރަނީ ހަފްތާއަކު އެންމެ ދަތުރެއްކަމަށް މޯލްޑިވިއަނުން މައުލޫމަތުދެއެވެ.

ބަންގަލަދޭޝްގެ އިތުރުން އިންޑިއާގެ ޓްރިވެންޑްރަމާއި، ކޮޗިން އަދި ބެންގަލޫރަށްވެސް މޯލްޑިވިއަނުން ބައިނަލްއަގުވާމީ ދަތުރުތައް ކުރާކަން ފާހަގަކޮށްލެވެއެވެ.