ބީއެމްއެލް ސުޓޫޑެންޓް ކާޑުން %10 ގެ ޑިސްކައުންޓް އެއް

ބީއެމްއެލްގެ ސުޓޫޑެންޑް ޑެބިޓް ކާޑުގެ ޕީއޯއެސްގެ މެޝިންތަކުން ފައިސާ ދެއްކުމުން %10 ގެ ޑިސްކައުންޓް ލިބޭނެ ގޮތް ހަދައިފި އެވެ.

މި ޑިސްކައުންޓް ލިބޭނެ ރެސްޓޯރެންޓްތަކާއި ފިހާރަ އަދި ބުކްޝޮޕް ފަދަ ތަންތަނުގެ މައުލޫމާތު ވަނީ ހާމަކޮށްފަ އެވެ.

ސުޓޫޑެންޓް ކާޑު ފަރުމާ ކޮށްފައިވަނީ ދެ އުމުރު ފުރާ އަކަށް ބަހާލައިގެނެވެ. އެއީ އުމުރުން 7 އަހަރާއި 12 އަހަރާއި 13 އަހަރާއި 18 އަހަރުގެ ދެމެދެވެ. މި ކާޑުން ކުރާ ހަރަދުން ކޮންމެ ކުއްޖެއްގެ ސޭވިންް އެކައުންޓް އަށް 0.5 އިންސައްތަ އަހަރެއްގެ މައްޗަށް ބޭންކުން ޖަމާކޮށްދޭނެ އެވެ.

މީގެ އިތުރުން ބެލެނިވެރިންނަށް މި ކާޑަށް ފައިސާ ފޮނުވައި ހަރަދުތައް ހިންގާ ގޮތުގެ ހުރިހާ މައުލޫމާތެއް ބެލޭނެ އެވެ. ކާޑު ފްރީޒް ކުރުމާއި، އަންފްރީޒް ކުރުމާއި ބްލޮކް ކުރުމާއި ޕިން ބަދަލު ކުރުމުގެ އިހްތިޔާރު ބެލެނިވެރިޔާ އަށް އެޕް މެދުވެރިކޮށް ލިބެ އެވެ. މި ކާޑު ދޫކުރުމުގައި އެއްވެސް ފީއެއް ވެސް ނުނަގަ އެވެ.

ރާއްޖޭގެ އިތުރުން ރާއްޖޭން ބޭރުގައި ވެސް މި ކާޑުގެ ހިދުމަތް ލިބޭނެ އެވެ. އެ ގޮތުން ރާއްޖެއިން ބޭރުގައި ދިރިއުޅޭ ދަރިވަރުންނަށް މަހެއްގެ މައްޗަށް 100 ޔޫއެސް ޑޮލަރު ކަނޑައެޅާފައިވެ އެވެ. ރާއްޖެއިން ބޭރުގައި ދިރިއުޅޭ ދަރިވަރުން ރަޖިސްޓްރީ ކުރުމުން މަހަކު 1200 ޑޮލަރާއި ހަމައަށް ބޭނުން ކުރެވޭނެ އެވެ.

ބެންކުން ބުނި ގޮތުގައި މި ކާޑުގެ މައިގަނޑު މަގްސަދަކީ ކުޑަކުދިންނަށް ފައިސާގެ އަހައްމިއްޔަތުކަން ދަސްކޮއްދީ ފައިސާ ހަރަދު ކުރުމުގައި ޒިންމަދާރު ގޮތެއް ދަސްކޮށްދިނުމެވެ. އަދި މަލީ މިނިވަންކަން ދަސްކޮށް ދިނުމާއި ޅައުމުރުގައި ފައިސާގެ ބޭނުން ހެޔޮގޮތުގައި ކުރަން ދަސްވުމެވެ.