ސިޔާސީ ޕާޓީއެއްގެ ގޮތުގައި ޕީއެންއެފް ރަޖިސްޓަރ ކޮށްދީފި

ސިޔާސީ ޕާޓީއެއްގެ ގޮތުގައި ޕީޕަލްސް ނެޝަނަލް ފްރޮންޓު (ޕީއެންއެފް) ރަޖިސްޓަރ ކޮށްދީފިއެވެ.

އިލެޝަން ކޮމިޝަނުން ޕީއެންއެް ކޮށްދެއްވައިފިކަން އިޢުލާން ކުރެއްވީ ކުރީގެ މިނިސްޓަރު މުހައްމަދު މަލީހް ޖަމާލު މިއަދު "އެކްސް" ގައި ކުރެއްވި ޕޯސްޓެއްގައެވެ. އެ ޕޯސްޓުގައި މަލީހު ވަނީ ޕީއެންއެފްގެ ރަޖިސްޓްރީ ހިއްސާ ކުރައްވާފައެވެ.

ކުރީގެ ރައީސް އަބްދުﷲ ޔާމީން އަބްދުލްޤައްޔޫމު އިސްވެ ހުންނަވާ އުފެއްދި ޕީއެންއެފް ރަޖިސްޓްރީ ކުރަން ހުށަހެޅީ ފެބްރުއަރީ މަހުގެ 27 ވަނަ ދުވަހުއެވެ. އަދި ޕާޓީ އުފެއްދުމުގެ ޚާއްސަ ޖަލްސާ ބޭއްވީ އޭޕްރިލް 10 ވަނަ ދުވަހުގެ ރެއެވެ. މި ޖަލްސާގައި 329 މީހުން ބައިވެރިވެފައިވެއެވެ.

ޕީއެންއެފް ރަޖިސްޓްރީކުރުމަށް ބޭއްވި ޖަލްސާގައި ޕީއެންއެފްގެ ވަގުތީ ރައީސަކަށް ހަމަޖެއްސީ ޔާމީންގެ ދަރިކަލުން ޒޭން ޔާމީނެވެ. އަދި ޕާޓީގެ ދާއިމީ ސެނެޓު ފާސްކުރެވެންދެން އެކުލަވާލި ވަގުތީ ކޮމިޓީއަށް 20 ނަމެއް ކަނޑައެޅިއެވެ. އެގޮތުން ކަނޑައެޅި ސެނެޓަރުންނަކީ:

1.އަބްދުﷲ ޔާމީން އަބްދުލް ގައްޔޫމް

2. ޒޭން އަބްދުﷲ

3. މުހައްމަދު މަލީހް ޖަމާލް

4. މުހައްމަދު ޝަވީދު

5. ޑރ. އަބްދުﷲ އިބްރާހީމް

6. ޑރ. މުހައްމަދު ޖަމީލް އަހުމަދު

7. ޑރ. ޖިހާދު ހަސަން

8. ހުސެއިން ވަހީދު

9. އަހުމަދު މުސްތަފާ މުހައްމަދު

10. އަހްމަދު ފަޔާޒް

11. އަލީ ޝިޔާން ނާޝިދު

12. އަބްދުﷲ ހުސެއިން

13. އަދުލީ އިސްމާއިލް

14. އަނީސާ ސައީދު

15. އައިޝަތު ހަފީޒު

16. ފާތިމަތު ރަހުމާ

17. އައިމިނަތު ސައީދާ

18. އަބްދު ﷲ ޝަހީލު ޖަލީލު

19. މުހައްމަދު އަބްދުލް ލަތީފް

20. އަބްދު ﷲ އަހުމަދު (ވޭމޫ)

މި ޖަލްސާގައި ވަނީ ޕާޓީގެ ލޯގޯ އާއި އަސާސީ ގަވައިދުގެ އިތުރުން ޕާޓީގެ ކުލަވެސް ފާސްކޮށްފައެވެ. ޕާޓީގެ ކުލައަކީ ދަނބު ކުލައެވެ.