ޗައިނާ އިން އާ ސަފީރެއް، ދެއްވީ ރާއްޖެއަށް އެހީތެރިވެ ދިނުމުގައި ދެމި އޮންނާނެ ކަމުގެ ޔަގީންކަން
ލިޔުންތެރިޔާ
އަހުމަދު ހަމީދު އާދަމް
ޗައިނާ އިން ދިވެހިރާއްޖެއަށް ކަނޑައެޅި އެޅުއްވި އާ ސަފީރު ކޮންގް ޝިއަންހުއާ, ސަފީރުކަމުގެ ފަތްކޮޅު ރައީސުލްޖުމްހުރިއްޔާ ޑރ. މުހައްމަދު މުއިއްޒަށް މިއަދު އަރުވައިފި އެވެ.
މި ރަސްމިއްޔާތު އޮތީ މިއަދު ހެނދުނު ރައީސުލްޖުމްހޫރިއްޔާގެ އޮފީހުގަ އެވެ.
އާ ސަފީރު ކޮންގް ޝިއަންހުއާގެ ސަފީރުގެ ފަަތްކޮޅާއި ހަވާލުވެވަޑައިގަތުމަށް ފަހު ރައީސް ވަނީ ސަފީރާއި ބައްދަލު ކުރައްވާފަ އެވެ. މި ބައްދަލްވުމުގައި ރާއްޖެ-ޗައިނާ ގުޅުން އިތުރަށް ބަދަހި ކުުރުމާއި ގުޅޭގޮތުން މަޝްވަރާ ކުރައްވާފަ އެވެ.
އަދި ދެ ގައުމުން އެންމެ އިސްކަން ދޭ ކަންކަމާއި ދެ ގައުމުގެ މަސްލަހަތު ހިމެނޭ ކަންކަމުގައި އެއްބާރުލުން ދިނުމާއި ގުޅިގެން މަސައްކަތް ކުރުމާއި ގުޅޭގޮތުން ވެެސް ދެ ބޭފުޅުން ވަނީ މަޝްވަރާ ކުރައްވާފަ އެވެ.
މިއަދުގެ ބައްދަލްވުމުގައި ޗައިނާގެ ސަފީރު ވަނީ ރާއްޖެއަށް އެހީތެރިވެ ދިނުމުގައި އެ ގައުމުން އަބަދުވެސް ދެމި އޮންނާނެ ކަމުގެ ޔަގީންކަން ދެއްވާފަ އެވެ.
ރާއްޖެއާ ޗައިނާ އިން ޑިޕްލޮމެޓިކް ގުޅުން ގާއިމު ކުރީ އޮކްޓޫބަރު 14, 1972 ގަ އެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
