ކުރިއަށް އޮތް 6 މަސް ދުވަހުގެ ތެރޭގައި 15 ރަށެއްގައި ސީޓީ ސްކޭން ހެދޭނެ: ރައީސް
ކުރިއަށް އޮތް 6 މަސް ދުވަހުގެ ތެރޭގައި 15 ރަށެއްގައި ސީޓީ ސްކޭންގެ ހިދުމަތްދޭން ފަށާނެކަމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެއެވެ.
'ރައްޔިތުންނާއިއެކު ކުރިއަށް' ނަމުގައި ސަރުކާރަށް 104 ހަފްތާ ފުރުން ފާހަގަކުރުމަށް މިރޭ ކުރިއަށްދާ ޖަލްސާގައި ވާހަކަދައްކަވަމުން ރަީސް ވިދާޅުވީ ކުރިއަށްއޮތްތަނުގައި އެންމެ ބޮޑު ހެޔޮ ބަދަލުތައް އަންނާނޭ ދާއިރާއަކީ ސިއްހީ ދާއިރާކަމަށެވެ
ރައީސް ވިދާޅުވީ ކުރިއަށްއޮތް 6 މަސްދުވަހުގެ ތެރޭގައި 15 ރަށެއްގައި ސީޓީ ސްކޭންގެ ހިދުމަތް ތައާރަފްކުރުމަށް ނިންމާފައިވާއިރު، އެކަމަށް ބޭނުންވާ އިމާރާތްތަކުގެ އިތުރުން ވަސީލަތްތައް ހޯދުމުގެ މަސައްކަތް ފަށާއިފައިވާކަމަށެވެ. އަދި ކުރިއަށް އޮތް ހަމަސް ދުވަހުގެ ތެރޭގައި 15 ރަށެއްގައި އެންމެ ފެންވަރު ރަނގަޅުކޮށް ސީޓީ ސްކޭން ހެދުމުގެ ހިދުމަތް ތައާރަފްވާނެކަމަށް ރައީސް ވިދާޅުވިއެވެ.
ރައީސް ވިދާޅުވީ ކުރިއަށްއޮތީ ސިއްހީދާއިރާއަށް ފަހި ދުވަސްތަކެއް ކަމަށާއި، އެގޮތުން ރާއްޖޭގެ ހުރިހާ ޓާޝިއަރީ ހޮސްޕިޓަލެއްގައި އެމްއާރުއައި ގެ ހިދުމަތް ދެވި، އެމްއާރުއައިގެ ހިދުމަތް ނެތް ޓާޝިއަރީ ހޮސްޕިޓަލުތަކުގައި އެ ހިދުމަތް ތައާރަފްކޮށްދެއްވާނެކަމަށް ވެސް ރައީސް ވިދާޅުވިއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
