ދެން އުފެދޭނީ އެމްޑީޕީ ސަރުކާރެއް، ލާމަރުކަޒީ ޤާނޫނަށް ގެންނަ އިސްލާހުތައް ބަދަލުކުރާނަން: ފައްޔާޒް

ދެން އުފެދޭނީ އެމްޑީޕީ ސަރުކާރެއްކަމަށާއި، ލާމަރުކަޒީ ޤާނޫނަށް މި ސަރުކާރުން ގެންނަ އިސްލާހުތައް އެމްޑީޕީން ބަދަލުކުރާނޭކަމަށް،  އިދިކޮޅު އެންމެބޮޑު ޕާޓީ، އެމްޑީޕީގެ ޗެއާޕާސަން ފައްޔާޒު އިސްމާއިލް މިރޭ ވިދާޅުވެއްޖެއެވެ.

އެމްޑީޕީން މިރޭ ކުރިއަށްގެންދާ އެޕާޓީގެ ޤައުމީ މަޖިލީހުގެ 4 ވަނަ ދައުރުގެ 25 ވަނަ ޖަލްސާގައި ވާހަކަދައްކަވަމުން ފައްޔާޒު ވަނީ މިހާރު ރާއްޖޭގެ ވެރިކަމުގައި އޮތީ ލާމަރުކަޒީ ނިޒާމާ ބީރައްޓެހި ސަރުކާރެއްކަން ފާހަގަކޮށް، ސަރުކާރުން ލާމަރުކަޒީ ނިޒާމަށް ގެނައުމަށް ނިންމި އިސްލާހްތަކަށް ވަރަށްބޮޑަށް ފާޑު ވިދާޅުވެ ވާހަކަދައްކަވާފައެވެ. ފައްޔާޒް ވިދާޅުވީ، ދެން އަންނާނީ އެމްޑީޕީގެ ވެރިކަމެއް ކަމަށާއި، އަދުގެ ސަރުކާރުން ލާމަރުކަޒީ ޤާނޫނަށް މިއަދު ގެނައި އިސްލާހްތައް އެމްޑީޕީން އަނބުރާ ގެންގޮސް، ލާމަރުކަޒީ ޤާނޫނުގެ ތެރެއިން ކައުންސިލްތަކަށް އިތުރު ބާރުވެރިކަން ހޯދައިދެއްވާނޭކަމަށެވެ.

ފައްޔާޒް ވިދާޅުވީ މި ސަރުކާރުން ލާމަރުކަޒީ ނިޒާމަށް ބަދަލު ގެނައުމަށް ނިންމިއިރު، ބައެއް ކަންއުންސިލްތަކުން ތަރައްޤީއަށްކޮށްފައިވާ މަސައްކަތްތަކާ އެއްވަރަށް ބައެއް މިނިސްޓްރީތަކަށްވެސް މަސައްކަތް ކުރެވިފައި ނުވާކަމަށެވެ. ފައްޔާޒް ވިދާޅުވީ ސަރުކާރުން ކައުންސިލްތަކުގެ ބާރު ކަނޑުވާލަން މަސައްކަތްކުރަނީ، ސަރުކާރުގެ މުށުތެރެއަށް ހުރިހާ ބާރުތަކަކާއި މުދާތައް ނެގުމަށްކަމަށެވެ.

މިމޭރުމުން ވާހަކަދައްކަވަމުން ފައްޔާޒްވަނީ ލާމަރުކަޒީޤާނޫނަށް މިއަދު ގެނައި އިސްލާހްތައް ތަސްދީގުނުކުރެއްވުމަށް ރައީސް ޑރ.މުހައްމަދު މުއިއްޒުއަށް ގޮވާލައްވާފައެވެ.

އެންމެ ބޮޑު ރޯލެއް ކުޅެވުން ކުޅެނީ ރައްޔިތުންގެ މަޖިލީހުގެ ނައިބު ރައީސް ދިއްގަރު ދާއިރާގެ އިއްޒަތްތެރި މެންބަރު. އަޅުގަނޑަށް އެނގޭ މިހެން އަޅުގަނޑު ދެންނެވީމާ ވަރަށް ނުރައްކާތެރި ހާލަތަކަށް އަޅުގަނޑު ދާނެކަން ވެސް

ފައްޔާޒް ވިދާޅުވިއެވެ

ފައްޔާޒް ވިދާޅުވީ ލާމަރުކަޒީ ނިޒާމަކީ ޑިމޮކްރަސީގެ ވަރަށް މުހިއްމު ބައެއްކަން މިދިޔަ 15 އަހަރުދުވަހުގެ ތެރޭގައި ވަރަށް ރަނގަޅަށް އެނގިގެން ހިނގައްޖެކަމަށާއި، ލާމަރުކަޒީ ނިޒާމުގެ ތެރެއިން ރައްޔިތުންގެ ބާރުވެރިކަން ފެނިގެންދާކަމަށެވެ. ލާމަރުކަޒީ ނިޒާމަށް އެ އިސްލާހްތައް ގެނައުމަށް ނިންމީ ސީދާ ވަކިބަޔަކު އަމިއްލަ މަންފާއަށް ކަމަށް ފައްޔާޒް ފާހަގަކުރެއްވިއެވެ.