ވިނަރެސް ޓަވަރަކުން މީހަކު ވެއްޓިއްޖެ
ލިޔުންތެރިޔާ
އަހުމަދު ހަމީދު އާދަމް
ހުޅުމާލެ ފޭސް ދޭއްގައި ހުންނަ ވިނަރެސް ޓަވަރުން މީހަކު ވެއްޓިއްޖެ އެވެ.
ފުލުުން ބުނީ މީހަކު ވެއްޓުނީ ވިނަރެސް ޓަވަރު އަށަކުން ކަމަށެވެ. އެ މީހާ ވެއްޓުމާއި ގުޅިގެން ފުލުހުން ހަރަކާތްތެރިވަމުންދާ ކަމަށް ބުންޏެވެ.
ވެއްޓުނު މީހާ ހޮސްޕިޓަލަށް ގެންގޮސް ދަނީ ފަރުވާ ދެމުންނެވެ. ވެއްޓިފައި ވަނީ ފިރިހެނެކެވެ. ފުލުހުން ބުނީ އެއީ 18 އަހަރުގެ ދިވެހި ޒުވާނެއް ކަމަށެވެ.
ވޮއިސްއާ މައުލޫމާތު ހިއްސާކުރަމުން އެވަގުތު އެތަނުގައި ހުރި މީހަކު ބުނީ އޭނާ ވެއްޓި ޖެހިފައިވަނީ ފަސްގަނޑަށްކަމަށެވެ
އަޅުގަނޑު ވިނަރެސް ކެފޭގައި ހުއްޓާ އިވުނީ އަޑެއް.އޭނާ ވެއްޓުނީ އެތަނުގައި ގާ ނާތުރައި އޮތް ފަސްގަނޑުމައްޗަށް. ގާ އަތުރާފައި އޮތް ތަނަކަށް ވެއްޓުނުނަމަ ޖެހޭ ގޮތަކުން ހަމަ ފުރާނައަށް ނުރައްކާވުން ވަރަށްގާތް
ވޮއިސްއާ މައުލޫމާތު ހިއްސާކުރި އެ މީހާ ބުންޏެވެ
އެ މީހަށް ލިބިފައިވާ އަނިޔާގެ ތަފްސީލެއް ނުލިބެ އެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
