ދިވެހި ދައުލަތުގެ އެންމެ މަތީ ފަރާތަކީ ރައްޔިތުން: ރައީސް ނަޝީދު
ދިވެހި ދައުލަތުގެ އެންމެ މަތީ ފަރާތަކީ އަބަދުވެސް ދިވެހި ރައްޔިތުންކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
އެމަނިކުފާނު މިހެން ވިދާޅުވީ މާފުށީގައި އިއްޔެއޮތް ކެމްޕެއިން ޖަލްސާއެއްގައި ވާހަކަފުޅު ދައްކަވަމުންނެވެ.
ރައީސް ނަޝީދު ވިދާޅުވީ ދިވެހި ދައުލަތުގެ އެންމެ މަތީ ފަރާތަކީ އަބަދުވެސް ރައްޔިތުންކަމަށާއި މިފަހަކަށް އައިސް ބައެއް ފަހަރު އިންސާފު ގާއިމްކުރުމުގެ އެންމެ އިސް ފަރާތަކީ ދިވެހި ރާއްޖޭގެ ސުޕްރީމް ކޯޓުކަމަށް އޮޅިގެން ބުނެވެމުންދާކަމަށެވެ.
"އަޅުގަނޑަށް ގާނޫނު އަސާސީން ފެންނަނީ ދިވެހި ދައުލަތުގެ ދިވެހި ރާއްޖޭގެ އެންމެހާ ބާރުތައް ފެށިގެން އަންނަނީ ރައްޔިތުންގެ ކިބައިން"، އެމަނިކުފާނު ވިދާޅުވިއެވެ.
ރައީސް ނަޝީދު އިއްޔެ އިތުރަށް ވިދާޅުވީ މާފުށީ ފަޅުތެރެއިން ބިން ހިއްކުމުގެ މަޝްރޫއެއްގެ ވާހަކަ އެބަދެކެވޭ ކަމަށާއި މިކަން ސަރުކާރުން މާފުށީ ރައްޔިތުންނަށް ކޮށްދޭނެ ދުވަހެއްގެ އިންތިޒާރުގައި ތިބިކަމަށް ރަށުގެ ބައެއް ރައްޔިތުން ވިދާޅުވެފައިވާކަމަށެވެ.
ނަމަވެސް އެމަނިކުފާނު ވަނީ އިންތިޒާރުގައި ތިއްބެވުން ހުއްޓާލުމަށް ރައްޔިތުންގެ އަރިހުން އެދި އަމިއްލައަށް ބިންހިއްކުމައިގެން އުޅުމަށް ގޮވާލައްވާފައެވެ.
"އަޅުގަނޑުމެން އެޖެންޑާ 19 އިން ކުރާ އެންމެ މުހިންމު ކަމަކީ މާފުށި، މާފުށީ ރައްޔިތުންނަށް ދިނުން"، ރައީސް ނަޝީދު ފާހަގަކުރެއްވިއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
