އޯއައިސީގެ އެންސައިކްލޮޕީޑިޔާ މަޝްރޫއުގެ އިސްވެރިއަކަށް ޑރ.ޝަހީމް

އޯގަނައިޒޭޝަން އޮފް އިސްލާމިކް ކޯޕަރޭޝަން (އޯއައިސީ) ގެ ފަރާތުން ތައްޔާރުކުރާ ޚާއްސަ އިސްލާމިކް އެންސައިކްލޮޕީޑިޔާގެ މަޝްރޫއުއެއްގެ އިސްވެރިއަކަށް ރާއްޖޭގެ މަޝްރޫއު ދީނީ އިލްމުވެރިޔާ ޑރ.މުހައްމަދު ޝަހީމް އަލީ ސައީދު ހަމަޖައްސައިފިއެވެ.

އޯއައިސީގެ ސެކްރެޓަރީ ޖެނެރަލްގެ އެޑްވައިޒަރ އަދި އެ ޖަމްއިއްޔާގެ ފިކުރީ ގޮޮފީގެ އިސްވެރިޔާކަން ކުރައްވާ ޑރ.ޝަހީމް އިސްކޮށް ހުންނަވާ މަސައްކަތް ކުރައްވާ މި އެންސައިކްލޮޕީޑިޔާ އެކި ބަސްބަހަށް ތަރުޖަމާކުރުމަށް ހަމަޖެހިފައިވެއެވެ.

މިއީ އެއް އަހަރު ދުވަހުގެ ތެރޭގައި މަސައްކަތް ނިންމުމަށް އަމާޒުކޮށް ތައްޔާރުކުރެވޭ ޕްރޮޖެކްޓެކެވެ.

މި އެންސައިކްލޮޕީޑިޔާއަކީ އިސްލާމްދީނުގެ ސަމާހަތްތެރިކަމާބެހޭ ގޮތުން ނެރެވޭ ފުރަތަމަ ބޮޑު އިލްމީ އެންސައިކްލޮޕީޑިޔާކަމަށް އޯއައިސީން ބުނެއެވެ.

މަޝްރޫޢު ފުރިހަމަކުރަން ޝަރީއާ އެޑްވައިޒަރީ ކޮމިޓީއެއް ވެސް ވަނީ އެކުލަވާލާފަ އެވެ. އެ ކޮމެޓީގައި ހިމެނެނި ވަޑައިގަންނަވަނީ ނާއިފް އަރަބް ޔުނިވާސިޓީ ފޯ ސެކިއުރިޓީ ސައެންސަސްގެ ފެކަލްޓީ އޮފް ސްޓްރެޓެޖިކް ސްޓަޑީސްގެ ފައުންޑިން ޑީން ޕްރޮފެސަރު ޑރ. އިއްޒައްދީން މޫސާ އާއި މޮރޮކޯގެ ތަރުބަވީ ކައުންސިލްގެ މެންބަރު ޕްރޮފެސަރު ޑރ. އަހުމަދު އައްބާދީ އާއި ސައުދީ އަރަބިއްޔާގެ އިލްމުވެރިއެއް ކަމުގައިވާ ޑރ. ހމަދު އަލްމާޖިދާއި، ލުބުނާން ޔުނިވާސިޓީގެ ޕްރޮފެސަރު ޑރ. ރިލްވާން އައްސައްޔިދާއި ރާއްޖޭގެ އިސްލާމީ ޔުނިވާސިޓީގެ ކުރީގެ ޗާންސެލާ އަދި އޯއައިސީގެ ފިކުރީ ގޮފީގެ ވެރިޔާ ޑރ. މުޙައްމަދު ޝަހީމް އަލީ ސައީދެވެ.