ކޯރަމް ހަމަ ނުވެގެން މަޖިލީހުގެ ޖަލްސާ ފެށުން ފަސްކޮށްފި

ރައްޔިތުންގެ މަޖިލީހުގެ މިއަދުގެ ޖަލްސާ ފެށުމަށް ކަނޑައެޅި ވަގުތު ޖެހުނުއިރުވެސް ކޯރަމް ހަމަނުވުމުގެ ސަބަބުން ޖަލްސާ ފެށުން ފަސްކޮށްފި އެވެ.

މަޖިލީހުގެ މިއަދުގެ ޖަލްސާ އެޖެންޑާކޮށްފައި އޮތީ ހެނދުނު 9:00 އަށެވެ.

ނަމަވެސް، މެންބަރުން ހަމަނުވުމުގެ ސަބަބުން ޖަލްސާގެ ރިޔާސަތުގައި އިންނެވި މަޖިލީހުގެ ނައިބު ރައީސް އަހުމަދު ނާޒިމް ވަނީ ހެނދުނު 10:00 އަށް ޖަލްސާ ފެށުން ފަސްކޮށްފަ އެވެ.

"މިއަދުގެ މަޖިލިސް ފަށަން ބެލިއިރުގައި ޖަލްސާގެ ކޯރަމް ހަމަނުވާތީ، ކޯރަމް ރަނގަބީލު ޖެހީމަވެސް ކޯރަމް ހަމަނުވާތީ އަޅުގަނޑު ގަސްތުކުރަނީ ޖަލްސާ ފެށުން 10 ޖަހާއިރަށް ފަސްކުރަން،" އަހުމަދު ނާޒިމް ވިދާޅުވުއެވެ.

މަޖިލީހުގެ ގަވާއިދު ބުނާގޮތުން ޖަލްސާއެއް ކުރިއަށް ގެންދެވޭނީ މަޖިލީހުގެ ޖުމްލަ މެންބަރުންގެ ހަތަރުބައިކުޅަ އެއްބައި މެންބަރުން ހާޒިރުވެ ތިއްބަވައިގެންނެވެ.