މުރައިދޫގެ ކައިރިން ރަތް ރޮނގުގެ ނިޝާން ފޮހެލައިފި

ރައްޔިތުންގެ މަޖިލީހުގެ ރައީސްގެ ރަސްމީގެކޮޅު، "މުރައިދޫގެ" ހިމެނޭ ސަރަހައްދުގައި ރެޑް ޒޯން ގާއިމުކޮށް ދަމާލި ރަތް ރޮނގު ފޮހެލައި ރީނދޫ ރޮނގުގެ ޒޯނެއް ގާއިމް ކޮށްފި އެވެ.

މަޖިލީހުގެ ކުރީގެ ރައީސް މުހައްމަދު ނަޝީދަށް އަމާޒުކޮށް 2021 ވަނަ އަހަރުގެ މެއި 6 ވަނަ ދުވަހު ދެވުނު ހަމަލާއަށްފަހު، މަޖިލީހުގެ ރައީސް ދިރިއުޅުއްވާ ގެއަކަށް މުރައިދޫގެ ހަމަޖައްސަވައި، ދިވެހި ސިފައިންގެ އެދެމުގެ މަތީން އެ ސަރަހައްދުގައި ރެޑް ޒޯނެއް ގާއިމް ކުރީ އެ އަހަރުގެ ނޮވެމްބަރ މަހުގެ ތެރޭގައެވެ. އެއީ އެފަދައިން ރާއއޖޭގައި ރެޑް ޒޯނެއް ގާއިމް ކުރެވުނު ފުރަތަމަ ފަހަރެވެ.

އެ ސަރަހައްދު ރެޑް ޒޯންއަކަށް ބަދަލުކުރުމުން އެސަރަހައްދުގައި މަޑުކޮށްގެން ތިބުމާއި ވެހިކަލް ޕާކްކުރުންވެސް އޮތީ މަނާ ކޮށްފައެވެ.

ސަރަހައްދު ރެޑް ޒޯންއަކަށް ބަދަލުކުރުމުން އެސަރަހައްދުގައި މަޑުކޮށްގެން ތިބުމާއި ވެހިކަލް ޕާކްކުރުންވެސް މަނާވެގެންދާނެއެވެ. އަދި އެސަރަހައްދުގައި މިހާރު ވަނީ ރަތް ރޮނގުވެސް ދަމާފައެވެ. މިއީ މާލޭގެ ވަކި ސަރަހައްދެއް މިފަދަ ގޮތަކަށް ރެޑް ޒޯންގެ ގޮތުގައި ކަނޑައެޅި ފުރަތަމަ ފަހަރުކަންވެސް ފާހަގަކޮށްލެވެއެވެ.

އެހެން ނަމަވެސް، މުރައިދޫގެ މަރާމާތު ކުރުމަށް ފަހު ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުالله ދިިރިއުޅުއްވުން މިދިއަ ހުކުރު ދުވަހު އެގެއަށް ބަދަލު ކުރެއްވުމަށްފަހު، ރަތް ރޮނގު ފޮހެލުމާއެކު ގޭގެ ވަށައި ބައެއް ސަރަހައްދުތަކުގައި ވެހިކަލް ޕާކު ނުކުރެވޭ ގޮތަށް ރީނދޫ ރޮނގު ވަނީ ދަމާފައެވެ.