ހިޔާ ފްލެޓް ކޮޓަރިތަކުގެ ބޮޑުމިން ހާމަކުރުން: ކޮޓަރިތައް 11 ފޫޓް 9 ފޫޓަށްވުރެ ބޮޑު

ކުރީގެ ރައީސް އަބްދުﷲ ޔާމީން އަބްދުލްގައްޔޫމްގެ ވެރިކަމުގައި ހުޅުމާލޭ ދެވަނަ ފިޔަވަހީގައި އަޅަން ފެށި ހިޔާ މަޝްރޫއުގެ ފްލެޓްގެ ކޮޓަރީގެ ބޮޑުމިން ހާމަކޮށްފިއެވެ.

ހިޔާ ފްލެޓްގެ ފްލޯ ޕްލޭން ހާމަކޮށްފައިވަނީ މާފަންނު ހުޅަނގު ދާއިރާގެ ކުރީގެ މެންބަރު އަބްދުﷲ ރިފާޢު ކުރެއްވި ޓުވީޓަކާއެކުއެވެ.

ރިފާއު ހިއްސާކޮށްފައިވަނީ ހިޔާ މަޝްޢޫގެ ދެކޮޓަރީގެ ފްލެޓްގެ ފްލޯ ޕްލޭނެވެ.

އެގޮތުން އެއްކޮޓަރީގެ ބޮޑު މިނުގައި 9.8 ފޫޓު 11.48 ފޫޓް

ދެވަނަ ކޮޓަރީގެ ބޮޑު މިނުގައި 9.8 ފޫޓު 11.16 ފޫޓު

ދެ ކޮޓަރީގެ ފާހާނައިގެ ބޮޑު މިނުގައި 4 ފޫޓު 6 ފޫޓު

ލިވިން އޭރިއާގައި 30.5 ފޫޓް 8.86 ފޫޓުގެ ބޮޑުމިން ހުރެއެވެ.

މިއީ މާލެ ސަރަހައްދުގައި ކުއްޔަށް ދޫކުރާ ދެކޮޓަރީގެ އެޕާޓްމަންޓްގެ ކޮޓަރީގެ ސައިޒްތަކާއި އަޅާބަލާއިރު އެވްރެޖްގޮތެއްގައި ބޮޑު ކޮޓަރިތަކެއްކަން ފާހަގަކޮށްލަންޖެހެއެވެ.

ހިޔާ ފްލެޓްގެ މަސައްކަތާ ގުޅޭގޮތުން މީޑިއާއަށް މައުލޫމާތު ދިނުމަށް އިއްޔެ ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި އެޗްޑީސީގެ ޑެޕިއުޓީ އެމްޑީ އަހުމަދު އާތިފް ވިދާޅުވީ ޑިޒައިނަށް ގެނައި ބަދަލުތަކާއެކު ހިޔާ މަޝްރޫއުގެ ޖުމްލަ އަގު 434 މިލިއަން ޑޮލަރަށް އަރާފައިވާ ކަމަށާއި ޔުނިޓެއްގެ އަގު 82،000 އެމެރިކާ ޑޮލަރު (ގާތްގަނޑަކަށް 1.2 މިލިއަން ރުފިޔާ) އަށް އަރާނެ ކަމަށާއި ފްލެޓަކަށް ކޮންމެ މަހަކު 11،000 ރުފިޔާ ދައްކަން ޖެހޭނެ ކަމަށް އާތިފް ވިދާޅުވި އެވެ.

މީގެ އިތުރުން ހައުސިންގ ޑެވެލޮޕްމަންޓް ކޯޕަރޭޝަންއިން ބޭއްވި ނޫސްވެރިންގެ ބައްދަލުވުމުގައި އެ ކުންފުނީގެ މެނޭޖިންގ ޑިރެކްޓަރު ސުހައިލު ވިދާޅުވީ 7000 ފްލެޓްގެ ޕްރޮޖެކްޓްގެ ސްޓަކްޗާ އަށް ބޮޑެތި ބަދަލުތަކެއް މިހާރު ނެގެސްފައިވާ ކަމަށާއި، އެ ޕްރޮޖެކްޓް ނިމޭއިރު ހުންނާނީ 6860 ފްލެޓް ކަމަށެވެ.