ކުލަގަދަކޮށް އައު އަހަރު ފެށުން ފާހަގަކޮށްފި، ޑްރޯން ޝޯއާ ހަވާ އެރުވުން އޮތް

ކުލަގަދަކޮށް އައު އަހަރު ފެށުން ފާހަގަކޮށްފި އެވެ.

އާ އަހަރަށް މަރުހަބާ ކިޔުން އޮތީ ހުޅުމާލެ ސެންޓަރަލް ޕާކުގަ އެވެ. ވިޒިޓް މޯލްޑިވްސް ކޯޕަރޭޝަނާއި، ފަތުރުވެރިކަމާ ތިމާވެއްޓާބެހޭ ވުޒާރާއާއި، ހައުސިންގ ޑިވެލޮޕްމެންޓް ކޯޕަރޭޝަން ގުޅިގެން އައު އަހަރު ފެށުން ފާހަގަ ކުރުމަށް ފެސްޓިވަލެއް ވަނީ ފަށާފަ އެވެ.

އެންމެ ހާއްސަ ކަމަކަށް އޮތީ މިރޭ އޮތް ޑްރޯން ޝޯ އެވެ. ޑްރޯން ޝޯ ބެލުމަށް ވަރަށް ގިނަ ބަޔަކު ވަނީ ޖަމާވެފަ އެވެ. އަދި ހަވާ އެރުވުން ވެސް އޮތެވެ.

މި ފެސްޓިވަލްގައި ފުޑް ސްޓޯލްތަކުގެ އިތުރުން ކުޑަކުދިންނަށް ކަމުދާނެ ކުޅިވަރުތައް ވެސް ކުރިއަށް ގެންދަން ވަނީ ހަމަޖައްސާފަ އެވެ.

މިރޭ ފެށި ފެސްޓިވަލް ތިން ދުވަހަށް ދެމިގެންދާނެ އެވެ.