މަޝްހޫރު ޕްރެޒެންޓަރ ސާއިދު ކިޑްނީއަަކަށް އެދިއްޖެ

މަޝްހޫރު ކުޅިވަރު ނޫސްވެރިޔާ އަދި ޕްރެޒެންޓަރ ސާއިދުގެ ފެއިލްވެފައިވާ ދެކިޑްނީގެ ބަދަލުގައި ކިޑްނީއެއް ހޯދުމަށް އޭނާ އާންމުންގެ އެހީތެރިކަމަށް އެދިއްޖެއެވެ.

ފާއިތުވެދިޔަ އަށްމަސްދުވަހު ސާއިދު އުޅެފައިވަނީ ބަލިވޭނުގައި، ކިޑްނީއެއް ނުލިބި ޑަޔަލިސިސް ހެދުމުގައިކަން ފާހަގަކޮށްލެވެއެވެ.

ސާއިދު ވަނީ ކިޑްނީއެއް ހޯދުމަށް އެދި ފޭސްބުކްގައި އަސަރުން ފުރިގެންވާ ޕޯސްޓެއް ކޮށްފައެވެ.

"އަޅުގަނޑަކީ ދެ ކިޑްނީ ފޭލިވެފައިވާ މީހެކެވެ. އަޅުގަނޑުގެ ލޭގެ ގްރޫޕަކީ އޯ ޕޮޒިޓިވް އެވެ. ވޭތުވެދިޔަ އަށް މަށް ދުވަހުގެ ތެރޭގައި ތަފާތު އެކި އެކި ގޮތްގޮތުން މަސައްކަތް ކޮސްގެންވެސް އަޅުގަަނޑަށް ކިޑްނީއެއް ލިބޭގޮތް ވަނީ ނުވެފައެވެ. ވީމާ ކިޑްނީއެއް ހޯދުމުގައި ތިބޭފުޅުންގެ އެހީތެރިކަށް އަޅުގަނޑު އެދެމެވެ. ﷲ ތައާލާ އިންސާނުން ލައްވާފައި ވަނީ އެކަކު އަނެކަކު، އަނެކަކާ ނުލައި ދުނިޔޭގެ ހަޔާތް ފުރިހަމަ ނުވާ ގޮތަށެވެ. އެއީ އިންސާނުން އިމްތިހާނު ކުރެއްވުމަށްޓަކަ އެވެ. ވީމާ ﷲ އަށްޓަކައި ކިޑްނީއެއް ހަދިޔާކުރަން ފަސްނުޖެހެމާތޯ އެވެ،" އުމުރުން 28 އަހަރުގެ ޒުވާން ނޫސްވެރިޔާ ސާއިދު އޭނަގެ އެފްބީ ޕޭޖްގައި ލިޔެފައި ވެއެވެ.

ސާއިދުއަކީ އަންބަކާއި ތިން އަހަރުގެ ކުއްޖަކު އެބަހުއްޓެވެ.

ސާއިދަށް އެހީތެރިވުމަށް އެދޭ ފަރާތްތަކަށް އޭނާގެ މޯބައިލް ނަންބަރ ނުވަތަ ބޭންކް އެކައުންޓް މެދުވެރިކޮށް އެހީތެރިވެވިދާނެއެވެ.

ސާއިދުގެ މޮބައިލް ނަމްބަރު: 7998981

މާލީ އެހީތެރިވުމަށް: 7701175423101 (ރުފިޔާ އެކައުންޓް)