އިބްރާ، ނަޝީދަށް: ވެރިކަމުގެ ލައްޒަތަށްޓަކާ ރައްޔިތުންނޭ ކިޔުން ހުއްޓާލަން ވެއްޖެ

ވެރިކަމުގެ ލައްޒަތު ބޭނުން މީހުން “ރާއްޖެ” އާއި “ރައްޔިތުން” ކިޔުން ހުއްޓާލަން ވެއްޖެ ކަމަށް ވިދާޅުވެ އެމްޑީޕީގެ ފުރަތަމަ ރައީސް އިބްރާހިމް އިސްމާއީލް (އިބްރާ) އެމްޑީޕީގެ ކުރީގެ ރައީސް މުހައްމަދު ނަޝީދަށް ފާޑު ވިދާޅުވެއްޖެ އެވެ.

އެމަނިކުފާނު މިހެން ވިދާޅުވީ މިވަގުތު ރާއްޖެ އަށާއި އެމްޑީޕީއަށް އަދި ޑިމޮކްރެޓްސް އަށް ވެސް އެންމެ ރަނގަޅު ގޮތަކީ އެމްޑީޕީއާ ޑިމޮކްރެޓްސް ގުޅުން ކަމަށް ވިދާޅުވެ ނަޝީދު ވިދާޅުވުމާއި ގުޅިގެންނެވެ.

ނަޝީދު އެހެން ވިދާޅުވީ އެކްސްގައި ކުރެއްވި ޕޯސްޓެއްގަ އެވެ. އެ ޕޯސްޓަށް އިބްރާ ވަނީ ރައްދު ދެއްވާފަ އެވެ.

“ވެރިކަމުގެ ލައްޒަތު ބޭނުން މީހުން ‘ރާއްޖެ’ އާއި ‘ރައްޔިތުންނޭ’ ކިޔުން ހުއްޓާލަން ވެއްޖެ،”
އަދި ވިދާޅުވީ ވިއްކަމުން ވިއްކަމުން ގޮސް ރާއްޖެ ހުސްވެއްޖެ ކަމަށާ ރައްޔިތުން އުޅެނީ ރައްޔިތުންނަށް ވީގޮތަކަށް ކަމަަށެވެ.

ރައީސް ނަޝީދު މިމޭރުމުން ޕޯސްޓެއް މި ކުރެއްވީ ދެން އަންނަ ރިޔާސީ އިންތިހާބެއްގައި އެމްޑީޕީގެ ޓިކެޓް ރަައީސް ސޯލިހަށް ހޯދާ ދިނުމަށް އެ ޕާޓީގެ މެންބަރުން ކެމްޕެއިނެއް ފަށާފައި ވަނިކޮށެވެ. އެމްޑީޕީގެ ރިޔާސީ ޕްރައިމަރީގައި ރައީސް ސޯލިހް ވާދަކުރައްވަން ނިންމެވި ކަމަށް ވެސް އަޑުތައް ގަދަވެފައިވެ އެވެ.