އައިޖީއެމްއެޗްގައި ޑީޖޭ ބޭއްވި މައްސަލަ: އަޅުގަނޑުމެންނަށް އެނގިފައެއް ނެތް: އައިޖީއެމްއެޗް
ސަރުކާރުގެ މައި ހޮސްޕިޓަލު (އައިޖީއެމްއެޗް) ގައި ބަޔަކު ޑީޖޭ ފާހަގަކުރި މައްސަލައެއް ފެންމަތިވެއްޖެއެވެ.
އައިޖީއެމްގެ ރަސްފަންނާ ދިމާ، ޕްރައިވެޓް ރޫމެއްގައި ރޭގަނޑު މެންދަމު ޑީޖޭ ފާހަގަކުރިކަމަށް ބުނެ އާންމު ފަރާތަކުން ވީޑިއޯ އާއެކު ކުރި ޓުވީޓެއްގައި ބުނެފައިވަނީ މިއީ މިއަދު ގައުމުގެ ހާލަތު ކަމަށެވެ.
އައިޖީއެމްގެ ރަސްފަންނާ ދިމާ، ޕްރައިވެޓް ރޫމެއްގައި ޑީޖޭ ލަވަ އާއި ޑިސްކޯ ލައިޓާއެކު ޑީޖޭ ޖައްސާފައިވާކަމަށެވެ.
އައިޖީއެމްއެޗާއި ރައީސް ސޯލިހުގެ އިތުރުން މޯލްޑިވްސް ޕޮލިސް ސާވިސް ޓެގްކޮށް، އޭނާ ކުރި ޓުވީޓުގައި ބުނެފައިވަނީ ހޮސްޕިޓަލެއްގެ ތެރޭގައި ހިންގާ މިކަހަލަ ނާތަހުޒީބު އަމަލުތައް ބަލައި ނުގަނެވޭނެ ކަމަށެވެ.
އެކަމާ ގުޅިގެން އައިޖީއެމްއެޗްގެ މީޑިއާ އޮފިޝަލު ''ވޮއިސް'' އަށް މައުލޫމާތު ދެއްވަމުން މިއަދު ވިދާޅުވީ ހޮސްޕިޓަލުގެ ތެރޭގައި އެފަދަ ކަމެއް ހިންގިކަން އެނގިފައި ނުވާކަމަށެވެ. އަދި އެއީ ކިހިނެއް ހިނގި ކަމެއްތޯ ބަލާނެ ކަމަށް އޭނާ ވިދާޅުވިއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
