ރިޔާސީ އިންތިޚާބަށް ހެދި ކޯލިޝަން މިހާރު ނުފެނޭ- ނަޝީދު
ރައީސް އިބްރާހިމް މުހައްމަދު ސޯލިހު ވެރިކަމަށް ގެންނަން ހެދި ކޯލިޝަން މިހާރު ނުފެންނަ ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެ އެވެ
ނަޝީދު އެހެން ވިދާޅުވީ ތުޅާދޫ ދާއިރާއަށް އެމްޑީޕީ އިން ވާދަ ކުރައްވާ ހިސާން ހުސެއިންގެ ކެމްޕެއިން ޖަލްސާގައި ވާހަކަފުޅު ދައްކަވަމުންނެވެ.
އެޖަލްސާގައި ވާހަކަދައްކަވަމުން ނަޝީދު ވިދާޅުވެފައިވަނީ ރިޔާސީ އިންތިޚާބަށް ކޯލިޝަނުން ނުކުތީ ވަގުން ހިފުމާއި ފަސާފަ ނައްތާލުމުގެ އިތުރުން ރާއްޖޭގެ މުއްސަދިކަން ބީވެގެން ދިއުން ހުއްޓުވަން ވައުދުވެގެން ކަމަށެވެ.
ނަމަވެސް އިންތިޚާބަށްފަހު މަޖިލީހަށް ހުށަހެލި ރިޔާސީ ކޮމިޝަންތަކުގެ ބިލަށް ކޯލިޝަންގައި ހިމެނޭ ބައެއް މެމްބަރުން އެ ބިލަށް ވޯޓްދީފައި ނުވާކަމަށެވެ. އަދި ކޯލިޝަންގެ ހިމެނޭ ބައެއް ޕާޓީތަކުގެ އެތެރޭގެ ހަމަނުޖެހުން އޮތް ކަމަށް ނަޝީދު ފާހަގަކުރެއްވިއެވެ. އަދި މިއަދު އިންތިޚާބުގައި ވާދަކުރި ކޯލިޝަނެއް ނުފެންނަ ކަމަށް ވެސް ނަޝީދު ވަނީ ފާހަގަކުރައްވާފައެވެ.
ރާއްޖޭގެ ރައްޔިތުންނަށް އިންސާފު ހޯދައިދިނުމަށް ރާއްޖޭގެ ޝަރުއީ ނިޒާމް އިސްލާހު ވާން ޖެހޭނެކަން ނަޝީދު ފާހަގަކުރައްވާފައިވެއެވެ. ޝަރީއަތުގެ ކަންކަން މިއަދު ހިނގާ އުސޫލުން ކަންކަން ހިނގާނަމަ ދިވެހިންގެ ހާލަތު ރަނގަޅު ނުކުރެވޭނެކަން ރައްޔިތުންނަށް އެނގޭކަމަށްވެސް ނަޝީދުވަނީ ވިދާޅުވެފައެވެ.
ރިޔާސީ އިންރުޚާބު ކާމިޔާބް ކުރި ކޯލިޝަން މިއަދު ފެންނަން ނެތްކަމަށް ނަޝީދު ވިދާޅުވެފައިވާއިރު، ކޯލިޝަން ތެރޭގައި ހިމެނޭ ޕާޓީތަކުގެ މެދުގައި ޚިޔާލު ތަފާތު ވާން ފަށާފައިވަނީ ކުރިއަށް އޮތް މަޖިލީހުގެ އިންތިޚާބާއި ގުޅިގެން ގޮނޑިތައް ބަހަނެ ގޮތަކާއި މެދު އެއްބަސް ވުމަކަށް ނާދެވިގެން ނެވެ. އެއާއެކު ކޯލިޝަންގައި ހިމެނޭ ޕާޓީތަކުންވަނީ އެ ޕާޓީއަކުން ބޭނުންވާ އަދަދަކަށް ކެނޑިޑޭޓުންނަށް ފުރުސަތު ދީފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
