މިފްކޯއަށް ސީއީއޯއެއް ހޯދަން އަނެއްކާ ވެސް އިއުލާންކޮށްފި
ލިޔުންތެރިޔާ
ޚަދީޖާ އަރުފާ
މޯލްޑިވްސް އިންޑަސްޓްރިއަލް ފިޝަރީޒް ކޮންމްޕެނީ ލިމިޓެޑް (މިފްކޯ) އަށް ސީއީއޯއެއް ހޯދަން ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) އިން އަނެއްކާވެސް އިއުލާނުކޮށްފިއެވެ.
ޕީސީބީގެ އިއުލާނުގައި ވާ ގޮތުން މިމަގާމަށް ކުރިމަތިލާން ބޭނުންވާ ފަރާތްތަކަށް އަންނަ މަހުގެ އަށް ވަނަ ދުވަހުގެ މެންދުރު ފަހު 2:00 އާއި ހަމައަށް ވަނީ ފުރުސަތު ހުޅުވާލާފައެވެ.
މިފްކޯގެ ސީއީއޯގެ މަގާމަށް ކުރިމަތިލާ ފަރާތްތަކަކީ މަދުވެގެން އަށް އަހަރު މަސްވެރިކަމާއި ގުޅުންހުރި ކުންފުންޏެއް ހިންގުމުގެ ތަޖުރިބާ ހުރި ފަރާތަކަށް ވާން ޖެހޭއިރު، އެފަރާތަކީ މަދުވެގެން ހަތަރު އަހަރު މަސްވެރިކަމާއި ގުޅުން ހުރި ބައިނައަގްވާމީ ކުންފުންޏެއް ހިންގުމުގެ ތަޖުރިބާވެސް ހުރި ފަރާތަކަށް ވާން ޖެހެއެވެ.
މިފްކޯގެ ސީއީއޯގެ މަގާމު ހުސްވީ ކުރިން އެ މަގާމުގައި ހުންނެވި އަހުމަދު ޝަމާހް ރަޝީދު އެމަގާމުން ވަކިކުރުމާ ގުޅިގެންނެވެ. އޭނާ މަގާމުން ވަކިކުރީ މި އަހަރުގެ މެއި މަހު ގައެވެ.
މިފްކޯއަށް ސީއީއޯއެއް ހޯދުމަށް ޕީސީބީން މީގެ ކުރިންވެސް އިއުލާނުކޮށްފައިވެއެވެ. ނަމަވެސް ފަހުން ވަނީ އެ އިއުލާނު ބާތިލްކޮށްފައެވެ.
އެ އިއުލާނު އޭރު ބާތިލް ކުރީ އެ މަގާމަށް ޝަރުތު ހަމަވާ މީހަކު ކުރިމަތިލާފައި ނުވާތީކަމަށް އޭރު ޕީސީބީން ބުނެފައިވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
