އިންތިޚާބު އެއްކޮށްލާ އިސްލާހު ހުށަހެޅުމާއެކު ޖަލްސާ ހޫނުވެ، މެދުކަނޑާލައިފި

ރިޔާސީ އިންތިހާބާއި މަޖިލިސް އިންތިހާބު އެކުގައި ބާއްވަން ގާނޫނުއަސަސީއަށް ސަރުކާރުން ހުށާހެޅި އިސްލާހުގެ ބަހުސް ފެށުމަށް އިއުލާން ކިރުމާއެކު، މަޖިލީހުގެ މިއަދުގެ ޖަލްސާގައި އިދިކޮޅު އެމްޑީޕީ މެންބަރު އިހްތިޖާޖުކޮށް، ނިޒާމް ގެއްލުވާލުމުން، ޖަލްސާ މެދުކަނޑާލައިފި އެވެ.

ދެ އިންތިޚާބު އެއްކޮށްލާ ބިލުގެ ބަހުސަށް ހުޅުވާލަން ރިޔާސަތުން އިއުލާން ކުރެއްވުމާއެކު، އެންމެ ފުރަތަމަ ރިޔާސަތުގެ ކުރިމަތީގައި ގާނޫނު އަސާސީ ހިފައިގެން ހުރެ އަޑުގަދަ ކުރަން ފެއްޓެވީ ކެންދޫ ދާއިރާގެ މެންބަރު މައުރޫފް ޒާކިރެވެ.

އެގޮތުން ދެ އިންތިޚާބު އެއްކޮށްލުމަށް މަސައްކަތް ކުރަނީ ގާނޫނު އަސާސީއާ ޚިލާފަށް ކަމަށް ބުނެ އޭނާ ވަނީ ރިޔާސަތުގެ ކުރިމަތީގައި އަޑުގަދަ ކޮށްފައެވެ.

އޭނާގެ ވާހަކަތަކާ ގުޅިގެން ރިޔާސަތުގައި އިންނެވި މަޖިލީހުގެ ރައީސް އަބްދުއްރަޙީމް އަބްދުالله ވަނީ މަޖިލިސް ކުރިއަށް ދަނީ ގަވާއިދާ އެއްގޮތަށް ކަމަށެވެ. އެހެންކަމުން މެންބަރުގެ ގޮނޑީގައި އިށީންނެވުމަށް އަބްދުއްރަޙީމް ވަނީ އެދިލައްވާފައެވެ.

ނަމަވެސް މައުރޫފް ވަނީ ހުއްޓުމެއްނެތި އަޑުގަދަ ކޮށްފައެވެ. އެއާއެކު ރިޔާސަތުން ވަނީ އޭނާގެ ނަން އިއްވައި މަޖިލީހުން ނެރެފައެވެ.

އެފަހުން އެމއޑީޕީ އެހެން މެންބަރުންވެސް ވަނީ ރިޔާސަތުގެ ކުރިމަތީގައި އަޑުގަދަކޮށް ޖަލްސާކުރިއަށް ގެންދިޔުމަށް ހުރަސް އަޅާފައެވެ.

އެއާއެކު މަޖިލީހުގެ ނިޒާމް ގެއްލި އެމްޑީޕީގެ އިތުރު ތިން މެންބަރެއްގެ ނަން ވަނީ އިއްވާފަ އެވެ. އަދި ބައެއް މެންބަރުން ތަޅުމުން ބޭރުކޮށްފައިވެ އެވެ.

އެގޮތުން ނަން އިއްވީ؛

1- ވައިކަރަދޫ ދާއިރާގެ މެންބަރު ހުސައިން ޒިޔާދު

2- ގަލޮޅު ދެކުނު ދާއިރާގެ މެންބަރު މީކާއިލް އަހްމަދު ނަސީމް

3- ކެޔޮދޫ ދާއިރާގެ މެންބަރު މުހައްމަދު ނިއުޝާދު

ތަފްސީލް އަންނަނީ…