ގާނޫނީ ފަންނުގެ ބިލު ވުޖޫދަށް އައުމާއެކުު ލަތީފާއަށް މަގާމު ގެއްލިއްޖެ
ގާނޫނީ ފަންނުގެ ބިލު، ރައީސުލްޖުމްހޫރިއްޔާ ތަސްދީގު ކުރެއްވުމާއެކު ޖޭއެސްސީއަށް ގާނޫނީ ވަކީލުންގެ ފަރާތުން ކަނޑައަޅާފައި ހުންނެވި މެންބަރު ލަތީފާ ގާސިމަށް މަގާމު ގެއްލިއްޖެއެވެ.
މިދިޔަ ހަފުތާގައި ރައްޔިތުންގެ މަޖިލީހުން ފާސްކުރި އެ ބިލު ރައީސް ތަސްދީގު ކުރެއްވުމުން ވަކީލުންގެ ތެރެއިން ޖޭއެސްސީގައި އިންނަވާ މެމްބަރުގެ މެމްބަރުކަން އޮޓަމެޓިކުން ނިމުމަކަށް އަންނާނެއެވެ.
މިބިލު ހުށަހަޅާފައިވަނީ ނިމިދިޔަ ރައްޔިތުންގެ މަޖިލީހުންނެވެ. ނިމިދިޔަ މަޖިލީހުން އެބިލު ދިރާސާކުރި އިރު ބައެއްމެންބަރުން ވަނީ ބިލު އޮތްގޮތުން ފަސް އަހަރުގެ ދައުރު ހަމަނުވަނީސް ލަތީފާގެ މަގާމު ގެއްލޭތީ ކަންބޮޑުވުން ފާޅުކުރައްވާފައެވެ.
ވަކީލުންފެ ފަރާތުން ޖޭއެސްސީއަށް ލަތީފާ އިންތިހާބުކުރީ 2014 ވަނަ އަހަރުއެވެ. އޭނާ މަގާމަށް އިންތިހާބުކުރިތާ ފަސް އަހަރު ފުރޭނީ މިއަހަރުގެ ނޮވެންބަރުގައެވެ.
މީގެއިތުރުން އެބިލު ތަސްދީގު ކުރައްވާ ދުވަހުން ފެށިގެން 21 ދުވަސްތެރޭގައި ބާ ކައުންސިލްގެ އިންތިހާބު ބާއްވަންޖެހޭނެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
