އެމްއޭސީއެލް މުއައްޒަފުންނަށް ބޯނަސް ފައިސާ ދީފި
ލިޔުންތެރިޔާ
އަބްދުﷲ ހުސައިން
މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) ގެ މުއައްޒަފުންނަށް ބޯނަސް ފައިސާ ދީފިއެވެ.
އެމްއޭސީއެލުން ނިންމާފައިވަނީ މިދިޔަ އަހަރުގެ އަހަރީ ބޯނަހުގެ ގޮތުގައި، އެ މުއްދަތުގައި ވަޒީފާ އަދާކުރި ކޮންމެ މުއައްޒަފަކަށްވެސް 25،000 ރުފިޔާ ދިނުމަށެވެ. ވޮއިސްއަށް މައުލޫމާތު ހިއްސާކުރި އެމްއޭސީއެލްގެ މުއައްޒަފުން ވަނީ ބޯނަހުގެ ގޮތުގައި ކުންފުނިން ދޭން ބުނި ފައިސާ ޖަމާކޮށްފައިވާކަން ޔަގީންކޮށްދީފައެވެ.
އެމްއޭސީއެލުން ވަނީ މިދިޔަ އަހަރުވެސް ބޯނަސް ފައިސާގެ ގޮތުގައި މުއައްޒަފުންނަށް ފައިސާ ޖަމާކޮށްފައެވެ. މިގޮތުން މިދިޔަ އަހަރުވެސް އަހަރީ ބޯނަހުގެ ގޮތުގައި 25،000 ރުފިޔާ ވަނީ ދީފައެވެ.
އެމްއޭސީއެލްގައި 4000 ހާހަށް ވުރެގިނަ މުއައްޒަފުން ވަޒީފާ އަދާކުރަމުންދާއިރު، ސަރުކާރު ކުންފުނިތަކުގެ ތެރެއިން އެމްއޭސީއެލްއަކީ މާލީގޮތުން އެންމެ ރަނގަޅު ހާލަތެއްގައި އޮތް ކޮންފުންޏެވެ. އަދި އެމްއޭސީއެލްއަކީ ޑިވިޑެންޑްގެ ގޮތުގައިވެސް ދައުލަތުގެ ބައިތުލްމާލަށް އެންމެ ރަނގަޅު އަދަދެއްދޭ ކުންފުންޏެވެ.
އަހަރީ ބޯނަހުގެ އިތުރުން އިންސާނީ ވަސީލަތް ތަރައްޤީކޮށް މުއައްޒަފުންނަށް ތައުލީމާއި ތަމްރީނުދިނުމަށްވެސް އެމްއޭސީއެލުން ކޮންމެ އަހަރަކުވެސް ބޮޑު ހޭދައެއް ކުރާކަން ފާހަގަކޮށްލެވެއެވެ.
އެމްއޭސީއެލްއަށް މިދިޔަ އަހަރު އާމްދަނީގެ ގޮތުގައި އެއް ބިލިއަނަށްވުރެ ގިނަ ރުފިޔާ ވަނީ ލިބިފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
