ހިޔާގެ އެޕާޓްމަންޓެއްގައި އަލިފާނުގެ ހާދިސާއެއް

ހިޔާގެ އެޕާޓްމަންޓެއްގައި އަލިފާނުގެ ހާދިސާއެއް ހިނގައިފި އެވެ.

އަލިފާން ރޯވެފައި ވަނީ އެޗް 11 ގެ ބޮޑުމަގަށްވާގޮތަށް ހުންނަ ފަޅީގެ ތިންވަނަ ފަންގިފިލާގައެވެ. އެމްއެންޑީއެފުން ބުނީ އަލިފާން ރޯވީ ބޭރުގައި ހަރުކޮށްފައިވާ އެކްޒޯސްޓަކުން ކަރަންޓް ޝޯޓް ވެގެން ކަމަށެވެ. ފުލުހުން ވެސް މިފަދަ ހާދިސާއެއް ހިނގާފައިވާ ކަން ޔަގީންކޮށް ދީފަ އެވެ.

އަލިފާން ރޯވެފައިހުރިއިރު ގޮވުންތަކެއްގެ އަޑު އިވުނުކަމަށްވެސް މަންޒަރުދުށް ބައެއް މީހުން ވަނީ ބުނެފައެވެ

އެމްއެންޑީއެފުން ބުނީ ފަޔަރ އެންޑް ރެސްކިޔު ސަރވިސަށް މި ހާދިސާގެ މައުލޫމާތު ލިބުނީ މިއަދު 11:25 ހާ އިރުކަމަށެވެ. މައުލޫމާތު ލިބުމާ އެކު، އެމްއެންޑީއެފް ފަޔަރ އެންޑް ރެސްކިޔު ސަރވިސްގެ ފަޔަރފައިޓަރުން އެ ސަރަހައްދަށް ގޮސް، ރޯވި އަލިފާން ނިއްވާލިކަމަށް ބުންޏެވެ.

މި ހާދިސާގައި އެއްވެސް މީހަކަށް އަނިޔާއެއް ނުލިބުނު. ނަމަވެސް، އެޕާޓްމަންޓުގެ ބެލްކަންޏަށް އަލިފާނުގެ ސަބަބުން ބައެއް ގެއްލުންތައް ވަނީ ވެފައެވެ.