ހަ ރޯދައިގެ ނިޔަލަށް ކަންބަޅި މަސް ޞަދާޤާތްކުރުމުގެ ފުރުސަތު ހުޅުވާލައިފި

ރަމަޟާން މަހުގެ ފަހު ދިހައެއް ނިމުމަކަށް އަންނަމުންދާއިރު، ހެޔޮ އަމަލުތަކުގެ މަތީގައި ދެމިތިބުމަށް ބާރުއެޅުމުގެ ގޮތުން އިންޓަނޭޝަނަލް އެއިޑް ކެމްޕޭން (އައިއޭސީ) އިން ޞަދަޤާތް ކުރެވޭނެ އިތުރު ފުރުސަތެއް ހުޅުވާލައިފިއެވެ.

މި ފުރުސަތުގެ ދަށުން، ކަންބަޅި ނުވަތަ ބަކަރީގެ މަސް ޞަދަޤާތް ކުރުމުގެ ފުރުސަތު މިހާރު ވަނީ އާންމުންނަށް ހުޅުވާލާފައެވެ. އައިއޭސީން ބުނި ގޮތުގައި، މި ޕްރޮގްރާމްގެ ދަށުން ހަދިޔާކުރާ ޖަނަވާރުތައް ކަތިލުމަށްފަހު، މަސްތައް ނޮޅައި، ކޮށައި އަދި ޕެކްކުރުމަށްފަހު ބޭނުންޖެހިފައިވާ ފަރާތްތަކަށް ބެހުމުގެ މަސައްކަތް އެ ޖަމްއިއްޔާއިން ކުރިއަށް ގެންދާނެއެވެ.

މި ހަރަކާތް ކުރިއަށްދާނީ ހަ ރޯދައިގެ އެންމެ ފަހު ދުވަހުގެ ނިޔަލަށެވެ. ޞަދަޤާތުގެ ގޮތުގައި ހަދިޔާކުރެވޭނީ 5 ކިލޯގެ މަސް ޕެކޭޖްތަކެކެވެ. މިގޮތުން 5 ކިލޯގެ ޕެކޭޖެއްގެ އަގަކީ 575 ރުފިޔާއެވެ.

އައިއޭސީން ފާހަގަކުރާ ގޮތުގައި، ބަތް ފަދަ އެއްޗަކާ އެއްކޮށްގެން ކާނަމަ، މިފަދަ އެއް ޕެކޭޖުން ގާތްގަނޑަކަށް 20 މީހުންނަށް ކެވޭނެއެވެ.

ޕެކޭޖް ހަދިޔާކުރާ ފަރާތްތަކަށް އެއިން ޞަދަޤާތް ކުރުމުގެ ކަންކަން ކުރިއަށް ގެންދިޔަ ގޮތިގެ ފޮޓޯ ފޮނުވޭނެ ކަމަށާ، ޞަދަގާތް ކުރުމަށް ހަމަޖެހިފައިވަނީ މިސްރުގައި އުޅޭ ޣައްޒާ އަދި ސޫދާންގެ ރެފިޔުޖީ އާއިލާތަކަށް ކަމަށް އައިއޭސީން ބުނެއެވެ.

މި ޞަދަޤާތުގައި ބައިވެރިވާން ބޭނުންވާ ފަރާތްތަކުން އައިއޭސީގެ ހޮޓްލައިން ނަންބަރު 9122121 އަށް ގުޅައިގެން ކުރިއަށް ގެންދެވޭނެ ކަމަށް އެ ޖަމްއިއްޔާއިން މައުލޫމާތު ދެއެވެ.

ޕެކޭޖު ހަދިޔާކުރަން ބޭނުންވާ ފަރާތްތަކުން އަންނަނިވި އެކައުންޓަށް ފައިސާ ޖަމާކުރުމަށްފަހު، ސްލިޕް 9122121 އަށް ވައިބާކޮށްލަން އައިއޭސީން އެދެއެވެ.

ބީއެމްއެލް އިސްލާމިކް : 7770000062740

އެމްއައިބީ:  90101555002111000

އެކައުންޓް ނަން: International Aid Campaign

އެކައުންޓް ލޭބަލް:Seasonal projects