ގިނަ އަހަރުތަކަކަށް ފަހު ސަބުދެލި މަގު ހުޅުވާލައިފި
ގިނަ އަހަރުތަކަކަށް ފަހު އާއްމުންނަށް ސަބުދެލި މަގު ހުޅުވާލައިފިއެވެ.
މިމަގު ހުޅުވާލިކަން އިއުލާނު ކޮށްފައިވަނީ އާރުޑީސީން މިރޭ އެކްސްގައި ކުރި ޕޯސްޓެއްގައެވެ. އެ ޕޯސްޓުފގައި ބުނީ، ސަބުދެލި މަގު އަލުން ހުޅުވައިލުމަށް ކުރަންޖެހޭ މަސައްކަތްތައް ނިންމާލުމަށް ފަހު އެ މަގު މިހާރު އާންމުންނަށް ހުޅުވާލާފައިވާ ކަމަށެވެ.
"ސަބުދެލިމަގު އަލުން ހުޅުވާލުމަށް ކުރަންޖެހޭ މަސައްކަތްތައް ނިންމާލުމަށްފަހު އެމަގު މިހާރުވަނީ އާންމުންނަށް ހުޅުވާލެވިފައި."
އާރުޑީގެ އެކްސްޕޯޓުގައި ބުނެފައި ވެއެވެ.
ހިރިޔާ ސްކޫލުގެ އުތުރުން އޮންނަ މަގު ހުޅުވައިލުމުގެ މަސައްކަތް ޕަބްލިކް ވޯކްސް މިނިސްޓްރީން ފެށީ މި މަހުގެ ހަވަނަ ދުވަހު އެވެ.
އެ މިނިސްޓްރީން އެ މަގު ހުޅުވި ސަބަބެއް ކަމަށް އޭރު ބުނީ އަމީނީ މަގު ހަދަމުންދާތީ ޓްރެފިކަށް ދިމާވެފައިވާ މައްސަލަ ހައްލު ކުރުމަށް ކަމަށެވެ. އަމީނީ މަގުގެ މަސައްކަތް ނިންމައި މިހާރު ވަނީ އެއްކޮށް ހުޅުވާލައިފަ އެވެ.
މިރޭ ސަބުދެލި މަގު އާއްމުންނަށް ހުޅުވާލައިފައިވާއިރު މިދިޔަ ސަރުކާރުން ހަދަންފަށާ ނުނިމިއޮތް އަމީނީ މަގު ޒަމާނީ ފެންވަރަށް ހެދުމުގެ މަސައްކަތްވެސް ވަނީ މި ސަރުކާރު ވެރިކަމަށް އައިސް މިވީ ކުރު މުއްދަތުގެ ތެރޭގައި ހަދާ ނިންމާ އާއްމުންނަށް ހުޅުވާލައިފައެވެ.
މިސަރުކާރުން މަޢުލޫމާތު ދެއްވާފައިވާ ގޮތުގައި ވަރަށް އަވަސް މުއްދަތެއްގެ ތެރޭގައި މާލޭގެ ހުރިހާ މަގެއް ޒަމާނީ ފެންވަރަށް ހެދުމުގެ ބިޔަ ބޮޑު މަޝްރޫޢުއެއް ފެށިގެންދާނެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
