ވިލާ ކޮލެޖަށް ވަޑައިގެންނެވި ފުރަތަމަ ފުލްބްރައިޓް ސްކޯލާ ޕްރޮފެސަރަށް ހޫނު މަރުހަބާއެއް

ވިލާ ކޮލެޖަށް ވަޑައިގެންނެވި ފުރަތަމަ ފުލްބްރައިޓް ސްކޯލާ އަދި އެސޯސިއޭޓް ޕްރޮފެސާ ޑރ. ޗާލްސް ވެނޯވާއަށް ރަސްމީކޮށް މަރުހަބާ ކިޔައިފި އެވެ.

މިކަމަށްޓަކައި ބޭއްވި ޚާއްސަ ރަސްމިއްޔާތެއްގައި ޑރ. ޗާލްސް ވެނޯވަރއަށް މަރުހަބާ ދެންނެވީ ވިލާ ކޮލެޖުގެ ރެކްޓަރ ޑރ. އަހުމަދު އަންވަރެވެ.

މި ރަސްމިއްޔާތުގައި ވިލާ ކޮލެޖުގެ އިސްބޭފުޅުންނާއި އަދި ޔޫއެސް މިޝަން ޓު ދި މޯލްޑިވްސްގެ ފަރާތުން ޑެޕިއުޓީ ޗީފް އޮފް މިޝަން އަނަންދް ކްރިޝްނާ، ޕަބްލިކް އެފެއާޒް އޮފިސާ ޝެރިލް ނީލީ އަދި ޕަބްލިކް އެންގޭޖްމަންޓް ސްޕެޝަލިސްޓް އާމިނަތު ޝިޒްލީން ބައިވެރިވެ ވަޑައިގެންނެވި އެވެ.

މީގެ އިތުރުން، މިނިސްޓްރީ އޮފް ފޮރިން އެފެއާޒްގެ ފަރާތުން ސީނިއާ އަންޑާ ސެކްރެޓަރީ ހަސަން ހުސައިން ޝިހާބު (ޔޫރަޕް، އެމެރިކާސް އަދި އޯޝަނިއާ ޑިޕާޓްމަންޓް) އާއި އެސިސްޓެންޓް ޑިރެކްޓާ ފާތިމަތު ޒެއިނާ އަބްދުالله ސައީދު (ޔޫރަޕް، އެމެރިކާސް އަދި އޯޝަނިއާ ޑިޕާޓްމަންޓް) ވެސް މި ރަސްމިއްޔާތުގައި ބައިވެރިވެ ވަޑައިގެންނެވި އެވެ.

މި ރަސްމިއްޔާތުގައި އެމެރިކާ މިޝަން ތަމްސީލުކުރައްވާ ޑެޕިއުޓީ ޗީފް އާނަންދް ކްރިޝްނާ ވާހަކަފުޅު ދައްކަވަމުން، ވިލާ ކޮލެޖުން ދެއްވި ދައުވަތަށް ޝުކުރު އަދާކުރެއްވިއެވެ. އަދި ކުރިމަގުގައި ބައިނަލްއަޤްވާމީ އެއްބާރުލުމާއި ޕާޓްނަރޝިޕްތަކާ ބެހޭގޮތުން ވެސް ވާހަކަދެއްކެވިއެވެ.

ރަސްމިއްޔާތުގައި ވާހަކަފުޅު ދައްކަވަމުން ޑރ. ޗާލްސް ވެނޯވަރ ވިދާޅުވީ، އިލްމާއި އައު އީޖާދުތައް ކުރިއެރުވުމުގައި ދިރާސާގެ ދައުރު ވަރަށް މުހިންމު ކަމަށެވެ. އަދި ދިރާސާތަކުގެ ނަތީޖާތައް ހިއްސާކުރުމުގެ މުހިންމުކަން ފާހަގަކުރެއްވިއެވެ.

މީގެ އިތުރުން، ވިލާ ކޮލެޖުގެ ވައިސް ރެކްޓަރ ޑރ. އަލީ ނަޖީބު، ޑރ. ޗާލްސް ވެނޯވަރއަށް ވިލާ ކޮލެޖުގެ އެޖަންކްޓް އެސޯސިއޭޓް ޕްރޮފެސަރގެ މަޤާމު ދެއްވައި، އެކަމުގެ ސިޓީ ހަވާލުކުރެއްވިއެވެ.

އެ ރަސްމިއްޔާތުގައި ޑރ. ޗާލްސް ވެނޯވާއަށް ވިލާކޮލެޖުގެ އެޖަންކްޓް އެސޯސިއޭޓް ޕްރޮފެސާގެ މަގާމު ދެއްވުން ވެސް އޮތެވެ. މަގާމުގެ ލިޔުން ހަވާލުކޮށް ދެއްވީ ޑރ. އަލީ ނަޖީބު އެވެ.

އެސޯސިއޭޓް ޕްރޮފެސަރ ޑރ. ޗާރލްސް ވެނޯވާއަކީ އެމެރިކާގެ ސަރުކާރުން ހިންގާ ފުލްބްރައިޓް ސްކޯލާޝިޕް ޕްރޮގްރާމުގެ ދަށުން ރާއްޖެއަށް ވަޑައިގެންނެވި ބޭފުޅެކެވެ. މިއީ އެ ޕްރޮގްރާމް ގެ ދަށުން ވިލާ ކޮލެޖަށް ބޭފުޅަކު ވަޑައިގެންނެވި ފުރަތަމަ ފަހަރެވެ.

ޑރ. ޗާލްސް ވިލާ ކޮޖެގައި ހަތަރު މަސް ދުވަހުގެ މުއްދަތަށް މަސައްކަތް ކުރައްވާނެ އެވެ. އެމަނިކުފާނުގެ މަސައްކަތް ހާއްސަ ކުރައްވާނީ ރިސާޗް، ކަރިކިއުލަމް އަދި ޕެޑަގޮޖީގެ ދާއިރާއަށެވެ.