އިންކަމް ޓެކްސް ނެގުމަށް އެމްޑީޕީން ތައްޔާރުވެއްޖެ

އަންނަ ރައްޔިތުންެގެ މަޖިލީހަށް އިންކަމް ޓެކްސް ނެގުމާއި ބެހޭ ބިލެއް އެމްޑީޕީން ހުށައަޅަން ނިންމައިފިއެވެ.

މި ބިލަށް ޚިޔާލު ހުށައެޅުމުގެ ފުރުސަތު އެމްޑީޕީން ވަނީ ހުޅުވާލާފައެވެ.

މި ބިލްގައި ވާގޮތުގައި މަހަކަށް 60،000 އާއި 100،000 ރުފިޔާއާ ދެމެދު އާމްދަނީ ލިބޭ މީހުންގެ އަތުން 3.5 ޕަސަންޓުގެ ރޭޓުގައި ޓެކްސް ނެގޭނެއެވެ.

މީގެ އިތުރުން 100،000 އާއި 150،000 ދެމެދު އާމްދަނީ އެއް ލިބޭ މީހުންގެ އަތުން 6.5 ޕަސަންޓުގެ ރޭޓުގައި އިންކަމް ޓެކްސް ދައްކަން ޖެހޭނެ ކަމަށް ވެސް އެ ބިލްގައި ބުނެފައިވެއެވެ. އަދި 150،000 އާއި 200،000 ރުފިޔާއާ ދެމެދު އާމްދަނީއެއް ލިބޭ ފަރާތްތައް 10 ޕަސެންޓްގައި ޓެކްސް ދައްކަން ޖެހޭނެ ކަމަށާއި އެއަށް ވުރެ މަތިން އާމްދަނީ ލިބޭ ފަރާތްތައް 15 ޕަސަންޓުގައި ޓެކްސް ދައްކަން ޖެހޭނެ ގޮތަށް އެމްޑީޕީން ވަނީ ހިމަނާފައެވެ.

މިބިލްގެ އެންމެ ޚާއްސަ އެއް ސިފަޔަކީ ޓެކްސް ނެގޭނޭ ފަރާތްތަކެވެ. އެގޮތުން ޓެކްސް ނަގާނީ ރާއްޖޭގައި ވަޒަންވެރިވެފައިވާ މީހެއް ނުވަތަ ބޭރު މީހެއް ވިޔަސް ރާއްޖޭގައި އުފައްދާ އާމްދަނީ ލިބޭ ކޮންމެ މީހެއްގެ އަތުންނެވެ. އަދި ރާއްޖޭގައި ވަޒަންވެރިވެފައިވާ މީހުންގެ ތެރެއިން ބޭރުން އާމްދަނީ ލިބޭ ކޮންމެ މީހެއް ވެސް ޓެކްސްދައްކަން ޖެހުމެެވެ.

ފާހަގަކޮށްލެވޭ ގޮތުގައި އިންކަމް ޓެކްސް ނެގުމަކީ މިސަރުކާރުގެ ރިޔާސީ ވައުދެކެވެ.