އެމްޕީއެލްގެ ސީއީއޯ އާއި ޑިޕާޓްމަންޓްތަކުގެ ވެރިން ބަނދަރުގެ މަސައްކަތްތަކުގައި ބައިވެރިވެއްޖެ
މޯލްޑިވްސް ޕޯޓްސް ލިމިޓެޑް (އެމްޕީއެލް) ގެ ސީއީއޯ އާއި ޑިޕާޓްމަންޓްތަކުގެ ވެރިން މިއަދު ބަނދަރުގެ މަސައްކަތްތަކުގައި ސީދާ ބައިވެރިވެ، މުވައްޒަފުންގެ މަސައްކަތް ގާތުން ބަލައި، އެ މުވައްޒަފުންގެ ބުރަ މަސައްކަތަށް ތަޢުރީފުކޮށްފިއެވެ.
އެމްޕީއެލް އިން ހާމަކުރި ގޮތުގައި، އެ މުއައްސަސާގެ އިސްވެރިން، މި މަސައްކަތުގައި ބައިވެރިވުމުގެ މަޤްޞަދަކީ ބަނދަރުގެ މަސައްކަތްތައް އިތުރަށް ހަރުދަނާކޮށް، ހިންގުން ހަލުވިކުރުމަށްޓަކައި މުވައްޒަފުންނާއެކު ގުޅިގެން މަސައްކަތްކުރުމުގެ މުހިންމުކަން ފާހަގަކުރުމެވެ.
މިގޮތުން ސީއީއޯ އާއި ޑިޕާޓްމަންޓް ވެރިން ބަނދަރުގެ އެކި ސަރަޙައްދުތަކުގައި ކުރެވޭ މަސައްކަތްތައް ބަލައި، މުވައްޒަފުންނާ ވާހަކަދައްކައި، އެ މީހުންގެ ޚިޔާލާއި މަޝްވަރާ ހޯދާފައިވެއެވެ.
އެމްޕީއެލް އިން އިތުރަށް ބުނެފައިވަނީ މިފަދަ ހަރަކާތްތަކުން ބަނދަރުގެ މަސައްކަތްތައް އިތުރަށް ހަރުދަނާކޮށް، ޚިދުމަތުގެ ފެންވަރު މަތިކުރުމަށް މަގުފަހިވާނެ ކަމަށެވެ. އަދި މުވައްޒަފުންނާއި ވެރިންނާ ދެމެދު އޮންނަ ގުޅުން ބަދަހިވެ، މަސައްކަތުގެ މާޙައުލު އިތުރަށް ރަނގަޅުވެގެންދާނެ ކަމަށްވެސް އެމްޕީއެލްއިން ބުނެފައިވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
