ނަޝީދަށް އަށް "ބޭނުން އެއްޗެއް ނެހެދޭނެ، މިއީ ހަވަރު ތިނަދޫ"

ކުރިއަށް އޮތް ރައްޔިތުންގެ މަޖިލިސް އިންތިޚާބުގައި ތިނަދޫ އުތުރު ދާއިރާއަށް ވާދަކުރާ އެމްޑީޕީ ކެންޑިޑޭޓް އަބްދުލްމުޣުނީ އަށް އެމްޑީޕީން ކުރި ތާއީދު އަނބުރާ ނެގުމުން އޭނާގެ ސަޕޯޓަރުން އެމްޑީޕީއާއި ނަޝީދާ މެދު ހިތްހަމަނުޖެހުން ފާޅުކޮށް އަޑުއުފުލަން އެއްވެއްޖެ އެވެ.

މި މައްސަލައާއި ގުޅިގެން ތިނަދޫ އެމްޑީޕީ ސަޕޯޓަރުންގެ މެދުގައި ވަރަށް ބޮޑަށް ބައިބައިވުން އުފެދިފައިވާއިރު މުޣުނީގެ ސަޕޯޓަރުން ވަނީ އެމީހުންގެ ނިންމުން ދައްކާފައިއެވެ. އެމީހުން ތިބީ މުޣުނިގެ ފަހަތުގައިއެވެ.

ގެވެށި އަނިޔާކުރި ކަމަށް ކުރީގެ އަނބި މީސްމީޑިއާ ގައި މުޣުނީއަށް ކުރި ތުހުމަތަކާއި ގުޅިގެން އެމްޑީޕީން މުޣުނީއަށް ކުރި ތާއީދު އަނބުރާ ގެންގޮސްފައިވާއިރު މުޣުނީގެ ސަޕޯޓަރުން ވަނީ އެއްވެސް ތަހުގީގެއް ހިންގުމެއް ނެތި، ހެއްކެއް ގަރީނާއެއްގެ މައްޗަށް ބިނާކުރުމެއް ނެތި މުޣުނީއަށް ކުރި ތާއީދު ނެގުމުން އެއީ ހަމަޖެހޭ އުސޫލެއް ނޫން ކަމަށް ބުނެފައެވެ.

ނަޝީދު ވަނީ ނުސީދަށްކޮށް ސިދާ މުޣުނީ އަށް ރައްދުކޮށް ގެވެށި އަނިޔާ ކޮށްފައި ވާ ބަޔަކަށްއެމްޑީޕީ އިން ތާއިދު ނުކުރާނެ ކަމަށް ވިދާޅު ވެފައިއެވެ.

މުޣުނީގެ އާއިލާ މެމްބަރުންނާއި ސަޕޯޓަރުން އޭނާގެ މައްޗަށް ކުރާ ތުހުމަތު ދޮގުކުރާއިރު މުޣުނީއަށް ތުހުމަތު ކުރި ފަރާތުން އެކަމުގެ ހެއްކެއް ނުވަތަ ތުހުމަތުތަކަށް ބާރޫދޭ އެއްޗެއް ހާމަ ކޮށް ފައި ނުވެއެވެ. އެހެން ކަމުން މުޣުނީގެ ސަޕޯޓަރުން ބުނަމުން ދަނީ އެމްޑީޕީން ބުންޏަސް މުޣުނީ ނޫން ކެންޑިޑޭޓަކަށް ވޯޓު ނުދޭނެ ކަމަށް ބުނެ އަޑުއުފުލާފައެވެ.

އެއްވި މީހުންގެ ތެރެއިން އެއްބޭފުޅަކު ހިފައިގެން ހުރި ފޯސްޓަރުގައި”އަންނި ބުނިއަސް ނޯޑަންނާ” ލިއެފައި އޮތް އިރު އަނެއް ބައިވެރިއެއްގެ ޕޯސްޓަރުގައި ވަނީ”ބޭނުން އެއްޗެއް ނެހެދޭނެ، މިއީ ހަވަރު ތިނަދޫ” އެވެ.