ފުވައްމުލަކުގައި 400 ހައުސިން ޔުނިޓް، އިތުރު މަޝްރޫއުތަކެއް
ލިޔުންތެރިޔާ
އަހުމަދު ހަމީދު އާދަމް
ފުވައްމުލަކު ސިޓީގައި 400 ހައުސިން ޔުނިޓް އިމާރާތް ކުރުމުގެ މަޝްރޫޢުއެއް ފަށައިފި އެވެ.
ރައީސުލްޖުމްހޫރިއްޔާ ޑރ. މުހައްމަދު މުޢިއްޒު އެ ސިޓީއަށް މިއަދު ވަޑައިގެން ގިނަ މަޝްރޫއުތަކެއް ވަނީ ފައްޓަވައި ދެއްވާފަ އެވެ. އެގޮތުން އެ ސިޓީގައި 400 ހައުސިން ޔުނިޓް އިމާރާތް ކުރުމުގެ މަޝްރޫޢުއެއް ވަނީ ފައްޓަވާފަ އެވެ. އެ މަޝްރޫޢު ފައްޓަވައި ދެއްވީ ކޮންސްޓްރަކްޝަން މިނިސްޓަރު ޢަބްދުﷲ މުއްތަލިބް އެވެ.
މީގެ އިތުރުން ފުލުހުންގެ އެކޮމޮޑޭޝަންއަކާއި ނެޝަނަލް ލައިބްރަރީގެ ގޮތްޕެެއް ގާއިމުކުރުމުގެ މަސައްކަތް ވެސް ވަނީ ފައްޓަވާފަ އެވެ. އެ ދެ މަޝްރޫޢު ހަވާލުކޮށްފައި ވަނީ އެމްޓީސީސީއާ އެވެ.
ފުވައްމުލަކު ސިޓީގައި ސީޓީ ސްކޭންގެ ހިދުމަތް ފެށުން
މީގެ އިތުރުން ފުވައްމުލަކު ސިޓީގައި ސީޓީ ސްކޭންގެ ޚިދުމަތް ވެސް ވަނީ ރަސްމީކޮށް ފަށާފަ އެވެ. އެ ހިދުމަތް ފައްޓަވައި ދެއްވީ ރައީސުލްޖުމްހޫރިއްޔާ ޑރ. މުހައްމަދު މުޢިއްޒު އެވެ.
މީގެ އިތުރުން ޏ އަތޮޅު ތައުލީމީ މަރުކަޒުގެ އައު އިމާރާތުގެ އަމަލީ މަސައްކަތް ވެސް ވަނީ ފަށާފަ އެވެ.
މީގެ އިތުރުން ފުވައްމުލަކު މާދަނޑު އަވަށުގެ ފުޓްސަލް ދަނޑު ވެސް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ ހުޅުވައި ދެއްވާފަ އެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
