ރައީސް ޞާލިހުގެ އުފަންދުވަސް އޮޅިއްޖެ!
މިއަދަކީ ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހުގެ އުފަންދުވަސްކަމަށްބުނެ ގިނަބަޔަކު އެމަނިކުފާނަށް ތަހުނިޔާ އަދާކުރަމުންދާ ދަނޑިވަޅެއްގައި އެމަނިކުފާނުގެ އުފަންދުވަހާއި މެދު ސުވާލުއުފެދިއްޖެއެވެ.
ރައީސް ސޯލިހުއަށްވަނީ ސަރުކާރުގެ ގިނަ މިނިސްޓަރުންނާއި ކުރީގެ ރައީސް މައުމޫން އަބްދުލްގައްޔޫމާއި އާންމުންގެ ގިނަބަޔަކު އުފަންދުވަހުގެ ތަހުނިޔާ އަރިސްކޮށްފައެވެ.
ނަމަވެސް އެމަނިކުފާނުގެ އުފަންދުވަސްކަމަށް ވިކިޕީޑިޔާގައި ދައްކަމުންދަނީ މެއިމަހުގެ ހަތަރުވަނަ ދުވަހެވެ. ނަމަވެސް ވިކިޕީޑިޔާގެ މައުލޫމާތަކީ ކޮންމެ ފަރާތަކަށްވެސް އެޑިޓްކުރެވޭނެފަދަ މައުލޫމާތަކަށްވުމުން މިއީ ހަގީގީ މައުލޫމާތެއްކަމުގައި ބެލުމަކީ އުނދަގޫ ކަމެކެވެ. ވޮއިސްއަށް މައުލޫމާތު ލިބިފައިވާ ގޮތުގައި އެމަނިކުފާނު ރިޔާސީ އިންތިހާބަށް ހުށައެޅި ރަސްމީ ލިޔެކިޔުންތަކުގައި އުފަން ތާރީޚެއްގެ ގޮތުގައި ފާހަގަކޮށްފައިވަނީ 01 މާޗް 1964 އެވެ.
މިގޮތަށް އޮއްވާ ޖެނުއަރީ މަހުގެ ފުރަތަމަ ދުވަހު އެމަނިކުފާނު އުފަންދުވަސް ގިނަބަޔަކު ފާހަގަކުރަމުން ދިޔުމާއި ގުޅިގެން އާންމުންގެ މެދުގައި ވަނީ ސުވާލުތަކެއް އުފެދިފައެވެ.
މިކަމާއި ގުޅިގެން ރައީސުލްޖުމްހޫރިއްޔާގެ ބަހެއް ލިބޭގޮތް ވަނީ ނުވެފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
