އާއްމު ސިއްހަތަށް ނުރައްކާވާގޮތަށް ދިރިއުޅެމުންދިޔަ ތަނަކުން އަނެއްކާވެސް ބިދޭސީންތަކެއް އަތުލައިގަނެފި
ލިޔުންތެރިޔާ
އަބްދުﷲ ހުސައިން
އާއްމު ސިއްހަތަށް ނުރައްކާވާގޮތަށް ދިރިއުޅެމުންދިޔަ ތަނަކުން އިމިގްރޭޝަނުން އަނެއްކާވެސް ބިދޭސީންގެ ބަޔަކު މިއަދު އަތުލައިގަނެފިއެވެ.
މިކަމާ ގުޅޭގޮތުން އިމިގްރޭޝަނުން ބުނީ، ޓާސްކްފޯހުގެ ފަރާތުން އިއްޔެއިން ފެށިގެން ޤަވާއިދާހިލާފަށް އުޅެމުންދާ ބިދޭސީން ހޯދުމަށް ހިންގަމުންދާ އޮޕަރޭޝަނުގައި މިއަދު 5 ބިދޭސީއަކު އެ އިދާރާގެ ބެލުމުގެ ދަށަށް ގެނެސްފައިވާކަމަށެވެ. އެމީހުން އިމިގްރޭޝަނުގެ ބެލުމުގެ ދަށަށް ގެންގޮސްފައިވަނީ، އާންމު ސިއްހަތަށް ނުރައްކާވާ ގޮތަށް، ސާފުތާހިރުކަމެއް ނެތި ބިދޭސީން އުޅެމުންދާތީއެވެ.
އިމިގްރޭޝަނުން އިއްޔެވެސް ވަނީ އާންމު ސިއްހަތަށް ނުރައްކާވާ ގޮތަށް ވިޔަފާރި ކުރަމުންދިޔަ 13 ބިދޭސީއަކު އެ އިދާރާގެ ބެލުމުގެ ދަށަށް ގެންގޮސްފައެވެ. އިމިގްރޭޝަނުން ވަނީ އެ އޮޕަރޭޝަންަ ކުރިއަށްގެންދިޔަ ގޮތުގެ ހުލާސާ ވީޑިއޯއެއްވެސް ސޯޝަލްމީޑިއާގައި ހިއްސާކޮށްފައެވެ. ވީޑިއޯއިން ފެންނަގޮތުގައި އެވަގުތު ބިދޭސީން ކާބޯތަކެތި ތައްޔާރުކުރަމުންދިޔައީ ސާފުތާހިރުކަމެއްނެތް މުޑުދާރު ތަނެއްގައެވެ. ކާބޯތަކެތި ތައްޔާރުކުރަމުންދިޔައިރު، ބުޅަލާއި ޑަސްބިންހުރީ ކާބޯތަކެތި ބަހައްޓާފައި ހުރި ތަނުގައެވެ.
އިމިގްރޭޝަނުން މިފަދަ ތަންތަނުން އަތުލައިގަންނަ ގިނަމީހުން މަސައްކަތްކުރަމުންދަނީ ވަރކްވިސާ ނެތި އަދި ވިޔަފާރީގެ އުސޫލުން ކާބޯތަކެތި ތައްޔާރުކުރުމަށް އެމްއެފްޑިއޭއިން ނަގަންޖެހޭ ހުއްދަތައްވެސް ނެގުމެއްނެތިކަން ފާހަގަކޮށްލެވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
