ޖޭޕީ ޓިކެޓްގައި މަޖިލީހަށް ކުރިމަތިލީ އެޕާޓީއާއެކު ސަރުކާރަށް އެއްބާރުލުން ދިނުމަށް- އަލްހާން

ޖުމުހޫރީ ޕާޓީގެ ޓިކެޓްގައި މަޖިލީހަށް ކުރިމަތިލީ އެޕާޓީއާއެކު ސަރުކާރަށް އެއްބާރުލުން ދިނުމަށްކަމަށް އަލްހާން ފަހުމީ ވިދާޅުވެއްޖެއެވެ.

ރައްޔިތުންގެ މަޖިލީހުގެ އިންތިޚާބުގައި ޖުމުހޫރީ ޕާޓީގެ ފަރާތުން ހެންވޭރު އުތުރު ދާއިރާއަށް ވާދަކުރައްވާ އަލްހާން ފަހުމީ އެބޭފުޅާގެ ކެމްޕެއިން ރަސްމީކޮށް ލޯންޗުކޮށްދެއްވާ ދެއްކެވި ވާހަކައިގައި ވިދާޅުވީ އޭނާ ޖުމުހޫރީ ޕާޓީގެ ފަރާތުން މަޖިލީޖަށް ކުރިމަތިލީ ޖުމުހޫރީ ޕާޓީއާއެކު ސަރުކާރަށް އެއްބާރުލުން ދިނުމަށް ކަމަށެވެ. އަދި ޖުމުހޫރީ ޕާޓީ އޮތީ ސަރުކާރާއި އެކުގައި ކަމަށާއި އެ ސަރުކާރަކީ އިބްރާހިމް މުހައްމަދު ސާލިހުގެ ސަރުކާރު ކަމަށެވެ. އަދި އެ ސަރުކާރަކީ ޖުމުހޫރީ ޕާޓީއެކުލެވޭ ކޯލިޝަން ސަރުކާރެއް ކަމަށާއި އެއްވެސް ހާލެއްގައި އެއީ އެމްޑީޕީގެ ސަރުކާރެއް ނޫން ކަމަށްވެސް އަލްހާން ވަނީ ވިދާޅުވެއެވެ.

އަދި ރައްޔިތުންގެ މަޖިލީހަށް ކުރިމަތިލީ މަޖިލީހުގެ މެންބަރެއްގެ ޒިންމާތައް އެނގިހުރެ ކަމަށްވެސް އަލްހާން ވަނީ ވިދާޅުވެފައެވެ.

އަލްހާން ވިދާޅުވީ ދިވެހިރާއްޖޭގެ ގާނޫނުގައި ރައްޔިތުންގެ މަޖިލީހަށް ކުރިމަތިވެފައި އޮންނަ މަސްއޫލިއްޔަތަކީ ދިވެހިރާއްޖޭގެ ގާނޫނު ހެދުމުގެ ގޮތުން އޮންނަ މަސްއޫލިއްޔަތެއް ކަމަށާއި، އޭގެ އިތުރުން އެއިރެއްގެ އޮންނަ ސަރުކާރެއް ޒިންމާދާރު ކުރުވުމަކީވެސް ރައްޔިތުންގެ މަޖިލީހުގެ މަސްއޫލިއްޔަތެއް ކަމަށް އަލްހާން ވަނީ ވިދާޅުވެފައެވެ.

އަލްހާން ވިދާޅުވީ ވަކިޕާޓީއަކަށް މަޖިލީހުގެ މެޖޯރިޓީ ދޭންޖެހޭނެ ކަމަށް ބައެއް ސިޔާސީ ލީޑަރުން ވިދާޅުވަނީ ރައްޔިތުންނަށް ކަންކަން އޮޅުވާލުމަށް ކަމަށެވެ.

ދިވެހިރާއްޖޭގެ ޑިމޮކްރަސީގެ ހަޔާތް ފެށިގެން އައީ ގާސިމް އިބްރާހިމްގެ އުނގުންނޭ ދެންނެވުމަކީ ކުށަކަށް ނުވާނެ ކަމަށާއި، ދިވެހިރާއްޖޭ ޑިމޮކްރަސީއަށްޓަކައި ގާސިމް އިބްރާހިމް ކޮށްދެއްވި ފަދަ މަސައްކަތެއް ކުރެއްވި އެއްވެސް ބޭފުޅެއް ނެތްކަމަށްވެސް އަލްހާންގެ ވާހަކައިގައި ވަނީ ވިދާޅުވެފައެވެ.

އަލްހާންގެ ކެމްޕެއިން މިރޭ ރަސްމީކޮށް ފައްޓަވާފައިވާއިރު އެކަމަށްޓަކައި ބޭއްވި ރަސްމިއްޔާތުގައި ޖުމްހޫރީ ޕާޓީގެ ލީޑަރު ގާސިމް އިބްރާހިމްއާއި އެޕާޓީގެ އިސްފަރާތްތަކުގެ އިތުރުން އަލްހާން ކުރިމަތިލައްވާ ދާއިރާއަށް ނިސްބަތްވާ ގިނަ އަދަދެއްގެ ރައްޔިތުން ބައިވެރިވެވަޑައިގެންފައިވެއެވެ.

ސިފައިންގެ ވަޒީފާއަށް ކުރިމަތިލުމުގައި ކުރިން އަމަލުކުރަމުން އަންނަ ގޮތަށް ބަލާއިރު ކުށުގެ ރެކޯޑު ސާފުކުރާ ފޯމެއް ފުރިހަމަ ކުރަން ޖެހެއެވެ.

އެހެން ނަމަވެސް މިމަހުގެ 6 ވަނަ ދުވަހު ކުރި އިއުލާނެއްގައި ޑިފެންސް މިނިސްޓްރީން ބުނެފައިވާ ގޮތުގައި މިހާރު ކުށުގެރެކޯޑް ބަލާފޯމް ހުށަހަޅަން ނުޖެހޭގޮތަށް ވަނީ ހަމަޖައްސާފައެވެ.