ކުރީގެ ސަރުކާާރުން ތަރިކަ ރައްކާތެރިކުރުމުގެ ވިސްނުމާއި ދުރު: ހަސަން ލަތީފް
ކުރީގެ ރައީސް އަބްދުﷲ ޔާމީންގެ ސަރުކާރަކީ ތަރިކަ ރައްކާތެރިކުރުމުގެ ވިސްނުމާއި ދުރު ސަރުކާރެއްކަމަށް ހެންވޭރު ހުޅަނގު ދާއިރާގެ މެންބަރު އަދި އެމްޑީޕީގެ ޗެއަރޕާސަން އަލްއުސްތާޛު ހަސަން ލަތީފް ވިދާޅުވެއްޖެއެވެ.
ހަސަން ލަތީފް މިހެން ވިދާޅުވީ ރައްޔިތުންގެ މަޖިލީހުގެ ތަޅުމަށް މިއަދު ހުށައެޅުނު ސަގާފީ ތަރިކައިގެ ބިލްގެ ބަހުސްގެ މަރުހަލާގައި ވާހަކަފުޅު ދައްކަވަމުންނެވެ.
އެބޭފުޅާ ވިދާޅުވީ ތަރިކައާއި އާސާރުތައް ހިމާޔަތްކުރުމާއި ދުރު ވިސްނުމެއް އޮތް ސަރުކާރެއް އޮތުމުގެ ނަތީޖާ ފާއިތުވި ފަސް އަހަރުގެ ތެރޭގައި ދިވެހިންނަށް ފެނިފައިވާ ކަމަށާއި ރައީސް ޔާމީންގެ ސަރުކާރު ބަދަލުވުމަކީ ދިވެހިންނަށް ލިބުނު އެންމެ ބޮޑު ނަސީބު ކަމަށެވެ.
ހަސަން ލަތީފްގެ ވާހަކަފުޅުގައި ވަނީ އެފަދަ އެހެން ވެރިއަކު އަނެއްކާވެސް ވެރިކަމަށް އައިސްފާނެކަމަށް ފާހަގަކުރައްވާފައެވެ. އެހެންކަމުން މި ބިލަކީ އެފަދަ ބޭފުޅުންގެ އަމަލުތައް ހުއްޓުވޭނެ އެއްޗެއްކަން ފާހަަގަކުރެއްވިއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
