އިސްލާމީ ފޮތް މައުރަޒެއް، އޮންނާނީ މި މަހުގެ 26 އިން 28 އަށް

އިސްލާމީ ފޮތް މައުރަޒެއް މި މަހު ބާއްވަން ނިންމައިފި އެވެ.

އިސްލާމީކަންތައްތަކާ ބެހޭ ވުޒާރާއިން އިސްނަގައިގެން މި ފޮތް މައުރަޒު ބާއްވަނީ "މަޢުރިފާ" މި ނަމުގައެވެ.

މައުރަޒު ބޭއްވުމަށް ހަމަޖެހިފައިވަނީ މި މަހުގެ 26 އިން 28 އަށް ކޮންމެ ދުވަހެއްގެ ހަވީރު 4:00 އިން 6:00 އަށް އަދި ރޭގަނޑު 8:00 އިން 10:00 އަށް އިސްލާމީ މަރުކަޒުގެ ޖަލްސާކުރާ މާލަމުގަ އެވެ.

އެ ވުޒާރާ އިން ބުނި ގޮތުގައި "ފޮތްތެރިކަން - ބުއްދީގެ ކާނާ" މި މައުލޫއުއަށް ބާއްވާ މި މައުރަޒުގެ މަގްސަދަކީ ފޮތް އުފައްދާ ފަރާތްތަކާއި ފޮތްވިއްކާ ފަރާތްތަކަށް އެ ފަރާތްތަކުގެ ފޮތްތައް ވިއްކުމުގެ ފުރުސަތު ހޯދައިދިނުމާއި ފޮތް ގަންނަން ބޭނުންވާ ފަރާތްތަކަށް އަގުހެޔޮކޮށް ފޮތް ގަތުމުގެ ފުރުސަތު ހޯދައިދިނުމެވެ.

މި މައުރަޒުން 15 ފަރާތަކަށް ޖާގަ ދިނުމަށް ހަމަޖެހިފައިވެެ އެވެ. ޖާގަ ދޫކުރުމަށް ހަމަޖެހިފައިވަނީ ބައިވެރިވާން އެދޭ ތަރުތީބުން އެންމެ ފުރަތަމަ ކުރިމަތިލާ 15 ފަރާތަށް ކަމަށް ވެސް އެ ވުޒާރާ އިން ބުންޏެވެ.