މި ސަރުކާރުން މަސްވެރިންނަށް 1.7 ބިލިއަނަށްވުރެ ގިނަ ރުފިޔާ ދޫކޮށްފިން: ޝިޔާމް

އަދުގެ ސަރުކާރު އައުމަށްފަހު މިއަދާހަމަޔަށް މަސްވެރިންނަށް 1.7 ބިލިއަން ރުފިޔާ ދޫކޮށްފައިވާކަމަށް ފިޝަރީޒް މިނިސްޓަރު އަހުމަދު ޝިޔާމް ވިދާޅުވެއްޖެއެވެ.

ދުވާފަރުގައި މިރޭ ކުރިއަށްދާ މަސްވެރިންގެ ދުވަހުގެ ރަސްމީ ޖަލްސާގައި މިރޭ ވާހަކަދައްކަވަމުން މިނިސްޓަރު ވިދާޅުވީ، މި ސަރުކާރު ވެރިކަމާ ހަވާލުވުމަށްފަހު އެންމެ އިސްކަމެއް ދީގެން ކުރަމުންއައި އެއް މަސައްކަތަކީ މަސްވެރިންނަށް ނުދީހުރި ފައިސާ ދޫކުރުމުގެ މަސައްކަތްކަމަށެވެ. އެގޮތުން ކުރެވުނު ހުރިހާ މުއާމަލާތްތަކަށް ބަލާއިރު، މަސްވެރިންނަށް 1.86 ބިލިއަން ރުފިޔާ މަސްވެރިންނަށް ދައްކަިއ ހަލާސްކޮށްފައިވާކަމަށެވެ.

ޝިޔާމް ވިދާޅުވީ މަސްކިރުވާތާ 48 ގަޑިއިރުގެ ތެރޭގައި މަހަށް ފައިސާ ދައްކަން ރައީސް ޑރ.މުއިއްޒު ނިންމެވި ހިސާބުން ފެށިގެން މިއަދާ ހިސާބަށް 930 މިލިއަނަށްވުރެ ގިނަ ރުފިޔާ މަސްވެރިންނަށް ދޫކޮށް ނިންމާފައިވާކަމަށެވެ. ޝިޔާމް ވިދާޅުވީ މި ސަރުކާރު އައުމާއެކު މަސްވެރިންނަށް ވަރަށްބޮޑު ޔަގީންކަމެއް ލިބިގެން ހިނގައްޖެކަމަށެވެ.

މިއަދު މަސްވެރިންނަށް ޔަގީންވެގެން ހިނގައްޖެ މަސްކިރުވާތާ 48 ގަޑިއިރުގެ ތެރޭގައި ފައިސާ ދައްކަން ނިންމެވި ނިންމުމަކީ ދެމެހެއްޓެނިވި ގޮތެއްގައި ކުރައްވާނެ ކަމެއްކަން

މިނިސްޓަރު ޝިޔާމް ވިދާޅުވިއެވެ

މިނިސްޓަރު ވިދާޅުވީ މަސްކިރުވާތާ 48 ގަޑިއިރުގެ ތެރޭގައި ފައިސާ މަސްވެރިންނަށް ލިބިގެންދިއުމަކީ މިސިނާއަތަށް ލިބިގެންދިޔަ އާރޯކަމެއް ކަމަށާއި، މިއީ އަދި ކަޅުބިލަމަހުގެ މަސްވެރިންގެ ވާހަކަ އެކަނިކަމަށެވެ.

މަސްވެރިކަމުގެ ސިނާއަތަށް އަދުގެ ސަރުކާރުން ގެންގުޅެމުންދާ ސިޔާސަތުގެ ދަށުން ބޮޑުކަންނެލީގެ މަސްވެރިކަމާއި ދޮށީގެ މަސްވެރިކަމުގެ އިތުރުން ސްޕޯޓްސް ފިޝިން ދާއިރާގެ ކުރިއެރުމަށްވެސް ގިނަ މަސައްކަތްތަކެއް ކުރުމަށް ނިންމައި ބައެއް ކަންކަން ތަންފީޒު ކުރެވެމުންދާކަން މިނިސްޓަރު ވަނީ ފާހަގަކުރައްވާފައެވެ.