ރޯދައަށް ކަރަންޓް ބިލަށް ބޮޑު ޑިސްކައުންޓެއް، ބިލް 400ރ ވުރެ ބޮޑެއް ނުވާނެ: ރައީސް
ލިޔުންތެރިޔާ
އަހުމަދު ހަމީދު އާދަމް
ކުރިއަށް އޮތް ރަމަޟާން މަހު ކަރަންޓު ބިލް ބޮޑުވުމުގެ މައްސަލަ ކުރިމަތިނުވާނެ ކަމަށާ އެންމެ ގިނަވެގެން ވެސް ނަގާނީ 400 ރުފިޔާ ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެ އެވެ.
ކޮންގްރެސްގެ "ދިވެހީންގެ ރާއްޖެ" ޖަލްސާގައި ވާހަކަ ދައްކަވަމުން ރައީސް ވިދާޅުވީ މި އަހަރުވެސް ރައްޔިތުންނަށް ރޯދަ ހަދިޔާ އޮންނާނެ ކަމަށެވެ. ރައްޔިތުންގެ އެންމެ ބޮޑު އެއް ކަންބޮޑުވުމަކީ ރޯދަ މަހު ކަރަންޓް ބިލް ބޮޑުވުން ކަމުގައި ފާހަގަ ކުރައްވާ ރައީސް ވިދާޅުވީ އެ މައްސަލަ މި ފަހަރު ދިމާނުވާނެ ކަމުގެ ޔަގީންކަން ދެއްވާ ކަަމަށެވެ.
ރައީސް ވިދާޅުވި ގޮތުގައި ކުރިއަށް އޮތް ރޯދަ މަހު ކޮންމެ ގޭބީސީއަކަށް ވެސް އެންމެ ގިނަވެގެން ވެސް ނަގާނީ 400 ރުފިޔާ އެވެ.
"ޑޮމެސްޓިކް ރޭޓުން ބިލްކުރާ ކޮންމެ ބިލަކަށް އެންމެ ގިނަވެގެން މިއަންނަ ރަމަޟާން މަހު ނަގާނީ 400 ރުފިޔާ. ބާކީ ބައި ޑިސްކައުންޓް," ރައީސް ވިދާޅުވި އެވެ.
މީގެ އިތުރުން ރައީސް ވަނީ ރޯދަ ހަދިޔާގެ ގޮތުގައި މި އަހަރުވެސް މަސްދަޅު ކޭސް ލިބޭނެ ކަމަށް ވިދާޅުވެފަ އެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
