ތިނަދޫ ކޯޓްގެ މެޖިސްޓްރޭޓް ފަނޑިޔާރުކަމުން ވަކިކުރުމަށް ހުށަހަޅައިފި
ގދ. ތިނަދޫ ކޯޓުގެ މެޖިސްޓްރޭޓް އިބްރާހީމް ރަޝީދު، ފަނޑިޔާރުކަމުން ވަކިކުރަން ޖުޑީޝަލް ސާވިސް ކޮމިޝަން (ޖޭއެސްސީ) އިން ރައްޔިތުންގެ މަޖިލީހަށް ފޮނުވައިފިއެވެ.
މިއީ ފަނޑިޔާރަކު ވަކިކުރަން ރައްޔިތުންގެ މަޖިލީހަށް ފޮނުވި ފުރަތަމަ ފަހަރެވެ. އިބްރާހީމް ރަޝީދު މަގާމުން ވަކިކުރަން މަޖިލީހަށް ފޮނުވިކަން ޖޭއެސްސީން މިއަދު ވަނީ ކަށަވަރުކޮށްދީފައެވެ.
ފަނޑިޔާރުންގެ މައްސަލަތައް ބެލުމަކީ ޖޭއެސްސީގެ ޒިންމާއެއްގެ ގޮތުގައި އޮތްނަމަވެސް، ގާނޫނު އަސާސީގައި ބަޔާންކޮށްފައިވާ ގޮތުން ފަނޑިޔާރަކު މަގާމުން ވަކި ކުރެވޭނީ ޖޭއެސްސީން ހުށަހަޅާ ހުށަހެޅުމަކަށް ބިނާކޮށް މަޖިލީހަށެވެ.
އަދި ފަނޑިޔާރަކު މަގާމުން ވަކިކުރެވޭނީ މަޖިލީހުގެ ޖަލްސާގައި ބައިވެރިވެ ވަޑައިގެންނެވި މެންބަރުންގެ ތެރެއިން ތިންބައިކުޅަ ދެބައި މެންބަރުންގެ ވޯޓުންނެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
