ފްލައިޓް ތެރޭ ފުރައްސާރަކުރި ލެކްޗަރަރ މަގާާމުން ވަކިކޮށްފި
ރާއްޖޭގެ ޑޮމެސްޓިކް ފްލައިޓެއްގައި އަންހެން ކުއްޖަކަށް ފުރައްސާރަ ކުރި އެމްއެންޔޫގެ ލެކްޗަރަރ މަގާމުން ވަކިކޮށްފިއެވެ.
އަނީސް މަރިއަމަތިއަސް ނަމަކަށް ކިޔާ މީހަކީ އެމްއެންޔޫ އާ މިއަހަރު ގުޅުނު ފަރާތެކެވެ. އެ ލެކްޗަރާ އަކީ ތިނަދޫ ކެމްޕަހުގައި ފާމަސީ ކޯހުގެ ހަތަރު މާއްދާއެއް ކިޔަވާދެމުން ދިޔަ ފަރާތެއްކަން އެނގިފައިވެއެވެ.
އަނީސް ފްލައިޓްގައި އަންހެން ކުއްޖަކަށް ފުރައްސާރަ ކުރި މައްސަލަ އެމްއެންޔޫގެ އިސްވެރިންގެ ސަމާލުކަމަށް ގެނެސްފައިވާއިރު އެލެކްޗަރާ މިހާރު ވަނީ ވަޒީފާއިން ވަކިކޮށްފައެވެ.
ފޭސްބުކްގައި އާންމުކޮށްފައިވާ ޕޯސްޓެއްގައިވާ ގޮތުގައި އެންއެސް މަރިޔަމަތިއަސް ނަމަކަށް ކިޔާާ އެމްއެންޔޫގެ ބިދޭސީ ލެކްޗަރަރ އަކު ވަނީ ފްލައިޓްގައި އޭނާގެ ފަހަތުން އިން އަންހެންކުއްޖާއަށް ބޭއަދަބީ އިޝާރާތްތައްކޮށް، ހަޑިހުތުރު މަންޒަރުތައް ފޯނު މެދުވެރިކޮށް ދައްކާފައެވެ.
އަދި އޭނާގެ އަތްދަބަހުން އަންހެނުން އަޅާ ބްރާއެއް ނެގުމަށްފަހު އެ ބްރާވެސް ދެއްކިކަމަށް އެ ޕޯސްޓްގައި ބުނެފައިވެއެވެ.
މި މީހާގެ ވާހަކަ ވަނީ ފްލައިޓް ލޭންޑްކުރުމުން ކެބިން ކްރޫންނަށް އެންގިފައިކަމަށް ފުރައްސާރަ ކުރިމަތިވި އެ އަންހެންކުއްޖާ ލިޔުުނު ޕޯސްޓްގައި ބުންޏެވެ.
ދާދިފަހުންވެސް ވަނީ މަގުމަތިން އަންހެން ކުއްޖަކާއި ފޮށުނު މައްސަލައެއް ފެންމަތިވެ، އެ މީހާ ހައްޔަރުކޮށްފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
