ޙަލާލް ވިޔަފާރީގެ ދާއިރާއިން އެއްބާރުލުން އިތުރުކޮށް އިސްލާމީ އިޤްތިޞާދު ކުރިއެރުވުމަށް އައިސީސީޑީއާއެކު މަޝްވަރާ ކޮށްފި

ގެ ސެކްރެޓަރީ ޖެނެރަލް މިއަދު ހެނދުނު ރައީސުލްޖުމްހޫރިއްޔާގެ އޮފީހަށް ވަޑައިގެން ޙަލާލް ވިޔަފާރިއާއި އިސްލާމީ އިޤްތިޞާދު ކުރިއެރުވުމާ ގުޅޭ ގޮތުން އިސްލާމިކް ޗެމްބަރ އޮފް ކޮމަރސް އެންޑް ޑިވެލޮޕްމަންޓް (އައިސީސީޑީ) އާއެކު މަޝްވަރާކޮށްފިއެވެ.

އައިސީސީޑީގެ ސެކްރެޓަރީ ޖެނެރަލް ޝައިޚް ޔޫސުފް ޙަސަން ޚަލާވީ ވަނީ މިއަދު ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒުގެ އަރިހަށް އިހްތިރާމްގެ ޒިޔާރަތެއް ކުރައްވާފައެވެ.

މި އިޙްތިރާމުގެ ޒިޔާރަތުގައި ދެ ބޭފުޅުން ވާހަކަފުޅު ދެއްކެވީ ޤާބިލުކަން އިތުރުކުރުމާއި ވުނަކުރުމާއި މެހެމާންދާރީގެ ދާއިރާއާ ގުޅޭ ގޮތުންނެވެ. އަދި ޙަލާލް ވިޔަފާރީގެ ދާއިރާއިން އެއްބާރުލުން އިތުރުކޮށް، އިސްލާމީ އިޤްތިޞާދު ކުރިއެރުވުމާ ގުޅޭގޮތުންވެސް މަޝްވަރާކުރެއްވިއެވެ. މީގެ ތެރޭގައި ޙަލާލް ފަތުރުވެރިކަން ފުޅާކުރުން ވެސް ހިމެނެއެވެ.

މީގެ އިތުރުން ސެކްރެޓަރީ ޖެނެރަލް ވަނީ އަތުލިޔުމުން ލިޔެފައިވާ ކީރިތި ޤުރްއާނުގެ މުޞްޙަފެއް ރައީސުލްޖުމްހޫރިއްޔާއަށް ހަދިޔާ ކުރައްވައިފައެވެ.

މި ބައްދަލުކުރެއްވުމުގެ މައިގަނޑު އަމާޒަކީ ދެ ފަރާތުން ގުޅިގެން އިސްލާމީ އިޤްތިޞާދީ އެއްބާރުލުން ހަރުދަނާ ކުރެއްވުމެވެ.